హాలియా, వెలుగు: స్కిల్ డెవలప్మెంట్ప్రోగ్రాం ద్వారా నిరుద్యోగ యువతకు ఉపాధి కల్పించేందుకు కృషి చేస్తున్నామని మాజీ సీఎల్పీ లీడర్ కుందూరు జానారెడ్డి చెప్పారు. మంగళవారం నల్గొండ జిల్లా హాలియా పట్టణంలోని రిటైర్డ్ ఎంప్లాయిస్ భవనంలో ఏకే ఫౌండేషన్ చైర్మన్ కట్టెబోయిన అనిల్ కుమార్ ఆధ్వర్యంలో నిర్వహించిన మెగా జాబ్ మేళాను ప్రారంభించారు. ఈ సందర్భంగా ఆయన మాట్లాడుతూ.. గ్రామీణ ప్రాంత నిరుద్యోగ యువత కోసం జాబ్మేళా నిర్వహించడం అభినందనీయమన్నారు.
కాగా, జాబ్ మేళాలో ఎడ్బ్రిడ్జ్, క్వెస్ క్రాప్ లిమిటెడ్, థ్రెడ్జ్ టెక్ లిమిటెడ్, మారుతి సుజుకి, డీ మార్ట్ లిమిటెడ్, యురేకా పోబ్స్ తదితర కంపెనీలు పాల్గొన్నాయి. మొత్తం 200 మంది సెలెక్ట్ అయినట్లు నిర్వాహకులు తెలిపారు. ఈ కార్యక్రమంలో మాజీ జడ్పీ వైస్ చైర్మన్ కర్నాటి లింగారెడ్డి, సాగర్ ఎడమ కాలువ మాజీ చైర్మన్ మల్గిరెడ్డి లింగారెడ్డి, జిల్లా కార్యదర్శి కాకునూరి నారాయణ గౌడ్, బ్లాక్ కాంగ్రెస్ అధ్యక్షుడు తుమ్మలపల్లి శేఖర్ రెడ్డి, కౌన్సిలర్ గౌని సుధారాణి -రాజారమేశ్, టౌన్ అధ్యక్షుడు వెంపటి శ్రీనివాస్, మాజీ జడ్పీటీసి రావుల చినబిక్షం యాదవ్, ఎంపీటీసీల ఫోరం జిల్లా అధ్యక్షుడు రావుల రాంబాబు, మాజీ ఎంపీపీ చవ్వా బ్రహ్మానంద రెడ్డి, శంకర్ నాయక్ పాల్గొన్నారు.
