డబ్బులు ఇవ్వలేదని బస్సులు ఆపి ఆందోళన
యాదాద్రి/చౌటుప్పల్, వెలుగు: మునుగోడులో సీఎం కేసీఆర్ మీటింగ్కు వెళ్లిన అడ్డా కూలీలు తమకు డబ్బులు ఇవ్వలేదంటూ ఆందోళనకు దిగారు. మీటింగ్ కు చౌటుప్పల్ మున్సిపాలిటీ, చౌటుప్పల్, సంస్థాన్ నారాయణపురం నుంచి జనాలను సమీకరించారు. ఒక్కొక్కరికి రూ. 500 కూలి, ఫుడ్డు ఇస్తామని చెప్పారని కూలీలు చెబుతున్నారు. ఒక్కో మండలానికి 5 వేల మంది అనుకోగా ఎక్కువగా వచ్చారు. మీటింగ్ముగిసిన తర్వాత ఎక్కువగా వచ్చిన జనాలకు పైసలెవరు ఇవ్వాలని నిర్వాహకులు తర్జనభర్జన పడ్డారు. తిరుగు ప్రయాణంలో ఇస్తామని ఒకచోట గంటసేపు ఆపి కొందరికే కూలి ఇచ్చారు.
మరికొందరికి పైసలు ఇవ్వకుండానే చౌటుప్పల్ సెంటర్లో దించి మధ్యవర్తులు జారుకున్నారు. విషయం గుర్తించిన అడ్డాకూలీలు తమను తీసుకొచ్చిన బస్సులను పైసలిచ్చేదాక పోనీయమంటూ అడ్డంగా నిలబడ్డారు. రోడ్డుపై వందల మంది గుమిగూడడంతో అక్కడికి చేరుకున్న పోలీసులు విషయం తెలుసుకొని ఏం చేయాలో తోచక మౌనంగా ఉండిపోయారు. టీఆర్ఎస్లీడర్ఒకరు అక్కడికి చేరుకొని ఉదయం అందరికీ కూలి ఇప్పించే బాధ్యత తనదని హామీ ఇవ్వడంతో బస్సులను అక్కడి నుంచి పంపించారు.
