గవర్నర్కు బీజేపీ నేత మల్లారెడ్డి ఫిర్యాదు
హైదరాబాద్, వెలుగు: హైదరాబాద్లోని కేంద్ర ప్రభుత్వ రంగ సంస్థలకు చెందిన వందల కోట్ల రూపాయల విలువైన భూములు కబ్జాకు గురవుతున్నా.. రాష్ట్ర ప్రభుత్వం పట్టించుకోవటం లేదని బీజేపీ నేత మల్లారెడ్డి విమర్శించారు. మంగళవారం మల్లారెడ్డి ఆధ్వర్యంలో పలువురు నేతలు గవర్నర్ తమిళిసైని కలిసి ఈ కబ్జాలపై ఫిర్యాదు చేశారు.
మల్లారెడ్డి మీడియాతో మాట్లాడుతూ ..హెచ్ఎంటీ, ఐడీపీఎల్ తో పాటు కేంద్ర ప్రభుత్వ సంస్థలకు చెందిన ప్రస్తుతం వినియోగంలో లేని భూములను ఆక్రమించుకుంటున్నారన్నారు. అవి కబ్జా కాకుండా చర్యలు తీసుకోవాలని రాష్ట్ర ప్రభుత్వాన్ని ఆదేశించాలని గవర్నర్ను కోరినట్లు చెప్పారు. హెచ్ఎంటీ కి సంబంధించి 50 ఎకరాలు, ఐడీపీఎల్ కు సంబందించి 100 ఎకరాలు కబ్జాకు గురయిందని తెలిపారు.
