ఎల్బీనగర్ ఎమ్మెల్యే దేవీరెడ్డి సుధీర్ రెడ్డిపై బీజేపీ కార్పొరేటర్ వంగా మధుసూదన్ రెడ్డి వేసిన ఫ్లెక్సీ లపై నియోజకవర్గంలో ఆందోళనలు కొనసాగుతున్నాయి. నిరాధారమైన ఆరోపణలు చేస్తూ.. సుధీర్ రెడ్డిపై రౌడీ షీట్ ఓపెన్ చేయాలని వంగ మధుసూదన్ రెడ్డి నియోజకవర్గ వ్యాప్తంగా పోస్టర్లు వేశారు. దీంతో వివిధ పోలీస్ స్టేషన్ లలో వంగ మధుసూదన్ రెడ్డిపై బీఆర్ఎస్ కార్యకర్తలు ఫిర్యాదు చేసి ఆందోళనకి దిగారు.
ఎన్నో భూ కబ్జాలకు పాల్పడిన వంగ మధుసూదన్ రెడ్డి ప్రజా సేవలో ఉన్న ఎమ్మెల్యేపై ఆరోపణలు ఆరోపణలు చేస్తే.. సహించేది లేదన్నారు బీఆర్ఎస్ కార్యకర్తలు. గతంలో కూడా ఇలానే ఎమ్మెల్యే నోటికి వచ్చినట్లు తిడితే జనమే ఇంటిపై దాడి చేసిన విషయం మర్చిపోయినవ అని ప్రశ్నించారు.
పోలీసులు వంగ మధుసూదన్ రెడ్డిపై యాక్షన్ తీసుకోకపోతే.. తామే యాక్షన్ తీసుకుంటామని డిమాండ్ చేశారు. డివిజన్ లో ఎలా తిరుగుతావో చూస్తామని హెచ్చరించారు. ఇదే వివాదంపై వంగ మధుసూదన్ రెడ్డిపై వనస్థలిపురం ఎల్బీనగర్ పోలీస్ స్టేషన్ లలో కేసు నమోదు అయ్యింది.
ఏం జరిగిందంటే..
హైదరాబాద్ ఎల్బీనగర్ లో ఎమ్మెల్యే దేవిరెడ్డి సుధీర్ రెడ్డికి వ్యతిరేకంగా పోస్టర్ల కలకలం రేపాయి. సుధీర్ రెడ్డిపై రౌడీ షీట్ ఓపెన్ చేయాలంటూ రోడ్డుకు ఇరువైపులా పోస్టర్లు అంటించారు. గతంలో ప్రముఖులపై దాడి చేసిన ఎమ్మెల్యే సుధీర్ రెడ్డీ అంటూ.. ఎమ్మెల్యేపై ఎందుకు రౌడీషీట్ ఓపెన్ చేయలేదంటూ పోస్టర్లలో ప్రశ్నించారు. ఇలాంటి రౌడీ రాజ్యంపై కేంద్ర ప్రభుత్వానికి లేదా రాష్ట్ర గవర్నర్ కి ఫిర్యాదు చేయబోతున్నాను. కాబట్టి మీరు నాతో కలసి వచ్చే వాళ్లు రావాలని ఫోన్ 8978796777 రిలీజ్ చేశారు. ఈ పోస్టర్లు చంపాపేట్ కార్పొరేటర్ వంగా మధుసూదన్ రెడ్డి రిలీజ్ చేసినట్లుగా పోస్టర్లలో ఫోటో, ఫోన్ నెంబర్ ను కూడా జతచేశారు.
పోస్టర్లలో ఏముందంటే..
* సుధీర్ రెడ్డిపై రౌడీ షీట్ తెరవాలి
* సుధీర్ రెడ్డికి వ్యతిరేకంగా ఉన్న వాళ్ళమీద తన గుండాలతో దాడులకు దిగుతాడు అందులో కొందరి ప్రముఖులు వీళ్లు...
* 100 రోజుల్లో 5 భౌతిక దాడులు
* ఇలాంటి రౌడీ రాజ్యంపై నేను కేంద్ర ప్రభుత్వం, గవర్నర్ కి పిటిషన్ ఇవ్వబోతున్నాను మీరు కలిసి రావాలి అనుకుంటే.. ఈ కింది నెంబర్ కి తెలియచేయగలరు. ఫోన్: 8978796777
* వంగా మధుసూదన్ రెడ్డి బీజేపీ రాష్ట్ర కార్యవర్గ సభ్యులు, చంపాపేట్ డివిజన్ కార్పొరేటర్, ఎల్బీనగర్ అసెంబ్లీ నియోజకవర్గం.
