అర్జెంటీనా ఫుట్బాల్ దిగ్గజం లియోనల్ మెస్సీని చైనా పోలీసులు అదుపులోకి తీసుకున్నారు. మెస్సీ వీసా లేకుండానే ప్రయాణం చేయడమే అందుకు ప్రధాన కారణం అని తెలుస్తోంది. గురువారం చైనాలోని బీజింగ్లోని వర్కర్స్ స్టేడియంలో ఆస్ట్రేలియా- అర్జెంటీనా మ్యాచ్ జరగాల్సి ఉంది. ఇదొక ఇంటర్నేషనల్ ఫ్రెండ్లీ మ్యాచ్. అందులో భాగంగానే అర్జెంటీనా జట్టుతో కలిసి మెస్సీ చైనాకు వెళ్లాడు. అయితే అతని వద్ద చైనా వీసా లేకపోవడంతో పోలీసులు అడ్డుకున్నారు.
మెస్సీని చైనా ఎయిర్ పోర్ట్ పోలీసులు అదుపులోకి తీసుకున్న సమయంలో అతని వద్ద అర్జెంటీనా, స్పానిష్ రెండు పాస్పోర్టులు ఉన్నాయి. స్పానిష్ పాస్పోర్ట్తో తైవాన్లో వీసా ఫ్రీ ఎంట్రీ లభిస్తుంది. కానీ చైనాలో ఉచిత ప్రవేశం లేదు. తైవాన్.. చైనాలో భాగమని భావించిన మెస్సీ అది వెంట బెట్టకెళ్లాడు. మెస్సీతో చైనా పోలీసులు మాట్లాడుతున్న దృశ్యాలు సామాజిక మాధ్యమాల్లో వైరల్గా మారాయి.
చివరకు సమస్య పరిష్కారమైనట్లు, 20 నిమిషాల ఉత్కంఠ తర్వాత మెస్సీని ఎయిర్పోర్ట్ అధికారులు బయటకు పంపినట్లు చైనా మీడియా పేర్కొంది. మెస్సీకి ఎక్స్పిడైటెడ్ వీసా (వేగంగా పొందే వీసా)ను మంజూరు చేసినట్టు సంబంధిత వర్గాలు వెల్లడించాయి.