ఉమ్మడి నల్గొండ జిల్లాలో లిక్కర్ షాపుల రిజర్వేషన్లు ఖరారు

• గౌడ, ఎస్సీ, ఎస్టీలకు డ్రా తీసిన కలెక్టర్లు
• నేటి నుంచి ఆప్లికేషన్ల స్వీకరణ షురూ
• 2023లో 15,256 ఆప్లికేషన్స్​, రూ.305 కోట్ల ఇన్​కం
• ఈ సారి 20 వేల అప్లికేషన్స్​ టార్గెట్​ 

నల్గొండ/యాదాద్రి వెలుగు: ఉమ్మడి నల్గొండ జిల్లాలో 329 వైన్స్ షాపుల రిజర్వేషన్లకు టెండర్లు పిలిచారు. గౌడ, ఎస్సీ, ఎస్టీలకు డ్రా ద్వారా కలెక్టర్లు షాపులు కేటాయించారు. శుక్రవారం నుంచి వచ్చే నెల 18 వరకు అన్ని ఎక్సైజ్​ సూపరింటెండెంట్​ కార్యాలయాల్లో ఆప్లికేషన్స్​ స్వీకరిస్తారు. ప్రస్తుతం 336 షాపులు ఉండగా ఏడు షాపులు తగ్గించారు. సూర్యాపేట జిల్లాలో 99 షాపులకు గాను 93, నల్లగొండ జిల్లాలో 155 షాపులకు గాను ఒకషాపు తగ్గించి, వేరే జిల్లాలకు షిప్ట్​ చేశారు. 

2023 ఆగస్టులో నిర్వహించిన టెండర్లలో 336 షాపులకు15,256 ఆప్లికేషన్స్​ వచ్చాయి. ఒక్కో ఆప్లికేషన్​ రుసుం రెండు లక్షలు కాగా, ప్రభుత్వాని కి రూ.305.12 కోట్ల ఆదాయం వచ్చింది. అంతకుముందు 2 021లో ఇవే షాపులకు 8,481 దరఖాస్తులు వచ్చాయి. కాగా వచ్చే రెండేళ్లకుగాను నిర్వహిస్తున్న ఈ టెండర్లకు కనీసం 20 వేల అప్లికేషన్స్​రాబట్టాలని ప్రభుత్వం టార్గెట్​ పెట్టింది. 

అప్లికేషన్​ రుసుం రూ.3లక్షలు

కేవలం అప్లికేషన్స్​రూపంలోనే సుమారు రూ.600కోట్ల ఆదాయం రాబట్టాలనేది టార్గెట్ పెట్టుకోగా దీని కోసం మిల్లర్లు, రియల్​ఎస్టేట్​వ్యాపారులను ఎక్సైజ్​టెండర్లలో పాల్గొనేందుకు ప్రోత్సహించాలని, బిజినెస్​ వల్ల వచ్చే ప్రయోజనాల గురించి వివరించి ప్రభుత్వం ఆదాయం పెంచాలని ప్రభుత్వం ఇప్పటికే మౌఖిక ఆదేశాలు ఇచ్చింది. గౌడ, ఎస్సీ, ఎస్టీలకు కేటాయించిన షాపులు పోను మిగిలిన షాపులు జనరల్​ కోటాకు కేటాయించారు. 

యాదాద్రి జిల్లాలో 82 షాపులు

2023-– 25 ఎక్సైజ్​ పాలసీలో యాదాద్రి జిల్లాలో 82 షాపులకు 3969 అప్లికేషన్లు అమ్ముడు పోయాయి. రూ. 79.38 కోట్ల ఇన్​కం వచ్చింది. 2021-–23లో షాపుల సంఖ్య పెరిగినా.. 1379 అప్లికేషన్లు తక్కువగా రావడంతో రూ. 27.58  కోట్లు మాత్రమే వచ్చింది. జిల్లాలోని 82 షాపుల్లో 53  షాపులను జనరల్​ కేటగిరికి కేటాయించారు. ఎస్సీలకు 7, ఎస్టీలకు 1 షాపు రిజర్వేషన్​ కావడంతో ఆయా వర్గాలకు చెందిన వారితో ఇతర వర్గాలకు చెందిన వారు సిండికేట్​ కావడానికి ప్లాన్​ చేసుకుంటున్నారు. గౌడ సామాజిక వర్గానికి 21 షాపులు కేటాయించారు.  

అప్లికేషన్ల ఇన్​కంపై ఎక్సైజ్​ ఆశ

త్వరలో జడ్పీ, పంచాయతీ, మున్సిపాలిటీ, ఆ తర్వాత కో ఆపరేటివ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ ఎలక్షన్లు జరిగే అవకాశం ఉంది.  ఈ సమయంలో కొత్తగా లిక్కర్​షాపులకు నోటిఫికేషన్​రిలీజ్​కావడంతో ఎక్సైజ్​శాఖ భారీ ఆశలు పెట్టుకుంది.  గత ఎక్సైజీ పాలసీ సమయంలో అసెంబ్లీ, పార్లమెంట్​ఎలక్షన్లు జరగడంతో  పెద్ద ఎత్తున అప్లికేషన్లు కొనుగోలు చేశారు.  భారీగా ఇన్​కం సమకూరింది.  

సామాజిక వర్గాల వారీగా షాపుల కేటాయింపు

జిల్లాపేరు       గౌడ    ఎస్సీ    ఎస్టీ
నల్లగొండ        34      14          04
సూర్యాపేట    27      10           3
యాదాద్రి       21        7            1