లండన్: బ్రిటన్ ప్రధాని పదవిలో ఉన్నది కేవలం 45 రోజులే అయినా లిజ్ ట్రస్ జీవితాంతం పెన్షన్ పొందనున్నారు. ఏటా 115 వేల పౌండ్లను ఆమె అందుకుం టారని సమాచారం. దీనిపై బ్రిటన్లో విమర్శలు వ్యక్తమవుతున్నాయి. ట్రస్కు ఈ భత్యం చెల్లించొద్దని నెటిజన్లు డిమాండ్ చేస్తున్నారు. ఇప్పటికే అతి తక్కువ కాలం పదవిలో ఉన్న చెత్త రికార్డును మూటగట్టు కున్న ట్రస్.. స్వచ్ఛందంగా ఈ భత్యాన్ని వదులుకోవాలని బ్రిటన్ పౌరులు కోరుతు న్నారు.
ప్రధానమంత్రిగా దేశానికి సేవలు అందించిన వారికి ‘పబ్లిక్ డ్యూటీ కాస్ట్ అలవెన్స్(పీడీసీఏ)’ కింద ఏటా నిర్ణీత మొత్తం చెల్లించే సాంప్రదాయం బ్రిటన్లో కొనసాగుతోంది. పదవీ కాలం తర్వాత కూడా మాజీ ప్రధానులు ప్రజలకు సేవలు అందించేందుకు ఉద్దేశించిన అలవెన్స్ ఇది. 1991 లో మాజీ ప్రధాని మార్గరెట్ థాచర్ సూచనలతో ఈ అలవెన్స్ను ఏర్పాటు చేశారు.
