- ఈ నెల 8–10 తేదీల మధ్య టూర్
- కీలక సమావేశాల్లో పాల్గొననున్న కాంగ్రెస్ అగ్రనేత
న్యూఢిల్లీ, అనంత్‌‌‌‌‌‌‌‌నాగ్ : కాంగ్రెస్ ఎంపీ, లోక్సభలో ప్రతిపక్షనేత(ఎల్ఓపీ) రాహుల్ గాంధీ సెప్టెంబర్ 8–10 వ తేదీల మధ్య అమెరికాలో పర్యటించనున్నారు. వాషింగ్టన్ డీసీ, డాలస్లో జరిగే పలు సమావేశాల్లో పాల్గొంటారు. అలాగే, టెక్సస్ యూనివర్సిటీలో జరిగే కార్యక్రమానికి హాజరుకానున్నారు. ఎల్ఓపీ గా బాధ్యతలు చేపట్టిన తర్వాత రాహుల్ అమెరికా పర్యటనకు వెళ్లడం ఇదే తొలిసారి. ఈ పర్యటనకు సంబంధించిన వివరాలను ఇండియన్ ఓవర్సీస్ కాంగ్రెస్ చీఫ్శ్యాం పిట్రోడా శనివారం వెల్లడించారు. రాహుల్ గాంధీ ఎల్ఓపీ అయినప్పటి నుంచి ఆయనతో మాట్లాడాలని ఎన్నారైలు, దౌత్యవేత్తలు, విద్యావేత్తలు
బిజినెస్ పర్సన్స్, అంతర్జాతీయ మీడియా నుంచి చాలా అభ్యర్థనలు వచ్చాయని పిట్రోడా వెల్లడించారు. రాహుల్ గాంధీ సెప్టెంబర్ 8న డాలస్లో, సెప్టెంబర్ 9-–10వ తేదీల్లో వాషింగ్టన్ డీసీలో ఉంటారని తెలిపారు. డాలస్లో టెక్సస్ యూనివర్సిటీ స్టూడెంట్స్, విద్యా సంఘం ప్రతినిధులతో కలిసి సంభాషించనున్నట్టు తెలిపారు. పలువురు సాంకేతిక నిపుణులతో చర్చలు ఉంటాయని వెల్లడించారు. ఈ పర్యటన విజయవంతం అవుతుందని తాము ఆశిస్తున్నట్టు చెప్పారు.
4న జమ్మూ కాశ్మీర్లో ఎన్నికల ప్రచారం
రాహుల్ గాంధీ సెప్టెంబర్ 4న జమ్మూ కాశ్మీర్లో అసెంబ్లీ ఎన్నికల ప్రచారంలో పాల్గొననున్నారు. ఎన్‌‌‌‌‌‌‌‌సీ – -కాంగ్రెస్ కూటమి అభ్యర్థుల తరఫున ఆయన జమ్మూ కాశ్మీర్లో రెండుచోట్ల సభలలో ప్రసంగిస్తారని ఆ పార్టీ ప్రధాన కార్యదర్శి, సీనియర్ నేత గులాం అహ్మద్ మీర్ వెల్లడించారు. శనివారం ఆయన అనంత్‌‌‌‌‌‌‌‌నాగ్లో మీడియాతో మాట్లాడుతూ..
రాహుల్ గాంధీ ఇక్కడ ప్రచారం చేయాలని కూటమి అభ్యర్థులతో పాటు జమ్మూ కాశ్మీర్ ప్రజల కోరిక అని ఆయన పేర్కొన్నారు. సెప్టెంబర్ 4న రాహుల్జమ్మూకాశ్మీర్ను సందర్శిస్తారని.. అలాగే, కూటమి అభ్యర్థుల కోసం కాశ్మీర్తో పాటు జమ్మూలో ఎన్నికల ప్రచార ర్యాలీలలో ప్రసంగిస్తారని ఆయన చెప్పారు.
