సింపుల్ ఐడియాతో లగ్జరీ లుక్

V6 Velugu Posted on Oct 21, 2021

గోడలు, ఫర్నిచర్, కర్టెన్లు అన్నీ మ్యాచింగ్ కలర్స్ ఉండొద్దు. మినిమమ్ నాలుగు డిఫరెంట్ కలర్స్ ఉండాలి. సూటబుల్గా ఉండే మంచి రంగులను సెలక్ట్ చేసుకోవాలి. ఇంట్లో కుర్చీలు, బల్లలు, బట్టలు, గిన్నెలు.. ఇలా చాలా వస్తువులు ఉంటాయి. ఎన్ని ఉన్నా ఎప్పటికప్పుడు మరిన్ని కొత్త వస్తువులు ఇంట్లోకి చేరుతుంటాయి. ఒక వస్తువును రెండు సంవత్సరాలకు పైగా వాడటం లేదంటే దానితో ఎలాంటి యూజ్ లేదని అర్థం. అలాంటి వాటిని ఎప్పటికప్పుడు తీసేయాలి. లేదా ఎవరికీ కనిపించని రూమ్లో పెట్టాలి. అదీ కాదంటే వాటిని వేరేవాళ్లు వాడుకోవడానికి ఇచ్చేయొచ్చు. సిటీల్లో అయితే వీటి కోసం ప్రత్యేకంగా స్టోర్ రూమ్స్ ఉంటాయి. ఇంట్లో ఏ వస్తువు ఎక్కడ ఉండాలో అక్కడే ఉంచాలి. వాటికంటూ స్పెషల్గా ప్లేస్ను కేటాయించాలి. ఇది ఇంటిని మరింత అట్రాక్టివ్గా చేస్తుంది. పైగా అవసరమైనప్పుడు వస్తువులను వెతికే శ్రమ తప్పుతుంది. ఇంటి గుమ్మాలకు, కిటికీలకు కర్టెన్లు స్పెషల్లుక్ ఇస్తాయి. వీటికి ఎక్కువ రేటు పెట్టాల్సిన అవసరం కూడా లేదు. కిటికీల కోసం కర్టెన్లు కొనేటప్పుడు పొడవైన కర్టెన్లను సెలక్ట్ చేసుకోవాలి. వాటిని కిటికీ ఎత్తుకన్నా పైనుంచి పెట్టుకోవచ్చు. ఇది ఇంటికి లగ్జరీ లుక్ ఇస్తుంది. ఫ్లోర్ రగ్గులు లగ్జరీ లుక్ను పెంచుతాయి. మార్కెట్‌‌లో చాలా తక్కువ ధరలకే రగ్గులు దొరుకుతాయి. వాటిని సోఫా ముందు, లేదా డైనింగ్ టేబుల్ దగ్గర వాడొచ్చు. అలాగే డోర్ మ్యాట్లు, కిచెన్ మ్యాట్లు వేసుకోవచ్చు. ఇంటి గోడలకు సరైన రంగులు వేస్తే క్లాసీ లుక్ వచ్చేస్తుంది. దీంతోపాటు ఇంటిలోపల స్పేస్ కూడా ఎక్కువ కనిపించేలా చేస్తాయి ఈ కలర్స్. ఒక్కో రూమ్ లో రెండు లేదా మూడు రంగుల కన్నా ఎక్కువ వాడొద్దు. ఆ రంగులు కూడా మంచి కాంబినేషన్లలో ఎంచుకోవాలి. ఎక్కువ రంగులు వాడితే చూడటానికి బాగా కనిపించకపోగా, ఇబ్బందిగా కూడా ఉంటుంది. అలాగే వాల్ స్టెన్సిల్స్ కూడా ట్రై చేయొచ్చు. ముఖ్యంగా లివింగ్ రూమ్లో, బెడ్ రూమ్లో వీటిని వేయొచ్చు. అయితే రూమ్లో ఏదైనా ఒకవైపు మాత్రమే వాల్ స్టెన్సిల్స్ వాడితే బాగుంటుంది. మొక్కలు దాదాపు ఇంటి బయటే పెడతారు. కానీ వాటిని ఇంట్లో పెడితే ఇంటి అందమే మారిపోతుంది. అంతేకాదు ఇంట్లో మొక్కలు పెట్టడం వల్ల గాలి ఫిల్టర్ అవుతుంది కూడా. రూమ్లో కుడివైపు మూలల్లో ఈ మొక్కలకు ప్లేస్ ఇవ్వాలి. మామూలు మొక్కలు కాకుండా ఇండోర్ ప్లాంట్స్ పెట్టుకుంటే బాగుంటుంది.

More News

V6 News Velugu