ప్రస్తుతం ఇండియన్ సినీ లవర్స్ ఈగర్ గా వెయిట్ చేస్తున్న సినిమా ఏదైనా ఉందంటే అది సెంబు SSMB29 అనే చెప్పాలి. ఆర్ఆర్ఆర్ లాంటి గ్లోబల్ సక్సెస్ తరువాత దర్శకధీరుడు రాజమౌళి(Rajamouli), మహేష్ బాబు(Mahesh Babu) కాంబోలో వస్తున్న సినిమా కావడంతో ఈ సినిమాపై ఇప్పటికే భారీ అంచనాలు ఏర్పడుతున్నాయి. దాదాపు రూ.1000 కోట్ల బడ్జెట్ తో తెరకెక్కుతున్న సినిమా కావడంతో ఈ ప్రాజెక్టుకు సంబందించిన చిన్న న్యూస్ అయినా క్షణాల్లో వైరల్ అవుతోంది.
ఇక ఆడియన్స్ కూడా ఈ ప్రాజెక్టు ఎప్పుడు మొదలవుతుంది? ఏ బ్యాక్డ్రాప్ లో సినిమా ఉంటుంది? మహేష్ ఏ లుక్ లో కనిపిస్తారు? అనే విషయాలను తెలుసుకోవడానికి తెగ ఇంట్రెస్ట్ చూపిస్తున్నారు. ఇందులో భాగంగానే ఇటీవల మహేష్ ఫారన్ వెళ్లిన సంగతి తెలిసిందే. ఆ ట్రిప్ రాజమౌళి సినిమా కోసమే ననే వార్తలు వినిపించాయి. అయితే ఫారెన్ ట్రిప్ ముగించుకొని ఇండియా వచ్చిన తరువాత మహేష్ కు సంబందించిన లుక్ ఇప్పుడు తెగ వైరల్ అవుతోంది. ఈ లుక్ కు సంబందించిన ఫోటో ఒకటి ప్రస్తుతం ట్రేండింగ్ లో ఉంది. లాంగ్ హెయిర్ తో, సన్నని గడ్డం, మీసంతో ఉన్న మహేష్ లుక్ అదిరిపోయింది. దాదాపు ఇదే లుక్ లోనే సినిమాలో కనిపిస్తారట మహేష్.
ఈ లుక్ చూసిన మహేష్ ఫ్యాన్స్ తెగ ఖుషీ అవుతున్నారు. కొత్త లుక్ లో మహేష్ నెక్స్ట్ లెవల్ లో ఉన్నాడని, హాలీవుడ్ హీరోలను సైతం పక్కకు నెట్టేసేలా ఉన్నాడని కామెంట్స్ చేస్తున్నారు. ఈ సినిమా తరువాత టాలీవుడ్ హాలీవుడ్ రేంజ్ కి వెళ్తుందని, సరికొత్త రికార్డ్స్ క్రియేట్ అవడం ఖాయమని చెప్పుకుంటున్నారు. మరి భారీ అంచనాల మంధ్య మొదలవుతున్న ఈ సినిమా వరల్డ్ బాక్సాఫీస్ దగ్గర ఎలాంటి సంచనాలు క్రియేట్ అవుతుందా అనేది చూడాలి.
