గండిపేట: పసిఫికా హిల్‌‌ క్రెస్ట్ అపార్ట్‌‌ మెంట్‌‌ 6వ అంతస్తులో మొదలై 18వ అంతస్తుకు మంటలు

గండిపేట: పసిఫికా హిల్‌‌ క్రెస్ట్ అపార్ట్‌‌ మెంట్‌‌ 6వ అంతస్తులో మొదలై 18వ అంతస్తుకు మంటలు
  •     కోకాపేట్​ పసిఫికా హిల్‌‌క్రెస్ట్ లో  ఫైర్ ​యాక్సిడెంట్​ 
  •     ప్రాణాలు అరచేతిలో పెట్టుకుని పరుగులు

గండిపేట, వెలుగు:  కొకాపేట్ పరిధిలోని పసిఫికా హిల్‌‌క్రెస్ట్ అపార్ట్‌‌మెంట్‌‌లో గురువారం మధ్యాహ్నం భారీ అగ్నిప్రమాదం  జరిగింది. అపార్ట్‌‌మెంట్‌‌లోని ఓ బ్లాక్‌‌లో ఉన్న 6వ అంతస్తు ఫ్లాట్​బాత్‌‌రూమ్‌‌లోని గీజర్‌‌లో షార్ట్ సర్క్యూట్ కారణంగా ఒక్కసారిగా పొగలు, మంటలు చెలరేగాయి. ఆ ఫ్లాట్‌‌లో ఉన్న కుటుంబం వెంటనే అప్రమత్తమై కిందకు వచ్చేసింది.అయితే, ఈ మంటలు ఏకంగా 18వ అంతస్తు వరకు వేగంగా వ్యాపించాయి. దీనివల్ల ఆయా అంతస్తుల్లోని ఫాల్ సీలింగ్ , ఎలక్ట్రికల్ వైరింగ్ కాలిపోయాయి. 

దీంతో ఫ్లాట్లలో ఉంటున్న వారు ప్రాణాలు అరచేతిలో పెట్టుకుని పరుగులు తీశారు. ఒక్కసారిగా మంటలు చెలరేగడంతో పాటు దట్టమైన పొగ బిల్డింగ్​అంతా వ్యాపించింది. సమాచారం అందుకున్న గచ్చిబౌలి, మాదాపూర్ ఫైర్​ఫైటర్స్​4 ఫైర్ ఇంజన్లతో పాటు, బ్రోంటో స్కైలిఫ్ట్ మెషీన్​తో గంట 40 నిమిషాల పాటు శ్రమించి మంటలను పూర్తిగా అదుపులోకి తెచ్చారు. అపార్ట్‌‌మెంట్ వాసులు సకాలంలో బయటకు రావడంతో ఎవరికీ ఎటువంటి గాయాలు కాలేదు, ప్రాణనష్టం తప్పింది. ఆస్తి నష్టంపై అధికారులు అంచనా వేస్తున్నారు.