హైదరాబాద్ లోని కుత్బుల్లాపూర్ పరిధిలో భారీ అగ్నిప్రమాదం చోటు చేసుకుంది. శనివారం (నవంబర్ 29) ఉదయం 4 గంటలకు జరిగిన ఈ ప్రమాదంలో టైర్ల షాప్ దగ్ధమైంది. భారీగా మంటలు చెలరేగటంతో స్థానికులు భయాందోళనలకు గురయ్యారు.
పేట్ బషీరాబాద్ పోలీస్ స్టేషన్ పరిధిలో సుచిత్ర సర్కిల్ శ్రీ రాఘవేంద్ర నగర్ కాలనీ లో ఉన్న సన్ రైస్ వాటర్ వాష్ అండ్ వీల్ అలైన్ మెంట్ షాప్ లో మంటలు చెలరేగటంతో భారీగా ఆస్తి నష్టం జరిగింది. స్థానికుల సమాచారంతో ఘటనా స్థలానికి చేరుకున్న ఫైర్ సిబ్బంది.. నాలుగు ఫైర్ ఇంజన్లు తో మంటలను అదుపులోకి తెచ్చారు.
