కోల్‌‌‌‌కతా: ‘‘పశ్చిమ బెంగాల్ అసెంబ్లీ ఎన్నికల్లో ఒంటికాలితో గెలుస్తా. తర్వాత పార్లమెంట్ ఎన్నికల్లో ఢిల్లీలో రెండు కాళ్లతో గెలుస్తా..” అని తృణమూల్ కాంగ్రెస్ చీఫ్, సీఎం మమతా బెనర్జీ అన్నారు. తాను రాయల్ బెంగాల్ టైగర్ అని, బెంగాల్లో గుజరాత్ వ్యక్తుల పాలన రాబోదన్నారు. చత్తీస్గఢ్లో ఎన్ కౌంటర్ ఘటనపై స్పందిస్తూ.. కేంద్రం పరిపాలనపై కాకుండా బెంగాల్ ఎన్నికలపైనే ఫోకస్ పెట్టిందని విమర్శించారు. సోమవారం చుంచురాలో జరిగిన ఎన్నికల ర్యాలీలో మమత మాట్లాడారు. మోడీ తనను రోజూ ‘‘దీదీ... ఓ దీదీ..” అంటూ వెటకారంగా మాట్లాడుతున్నారని, అయినా ఆ కామెంట్లను లెక్కచేయనన్నారు.
