గ్రేటర్ వరంగల్/ కాశీబుగ్గ (కార్పొరేషన్), వెలుగు: వరంగల్ జిల్లా మామునూరు విమానాశ్రయం, అండర్ డ్రైనేజీ కలలు సాకారం అవుతున్నాయని వరంగల్ ఎంపీ కడియం కావ్య, వరంగల్ పశ్చిమ ఎమ్మెల్యే నాయిని రాజేందర్ రెడ్డి అన్నారు.
బుధవారం హనుమకొండలోని కాంగ్రెస్ ఆఫీస్లో వారు డీసీసీ అధ్యక్షులు మహ్మద్ ఆయూబ్, వెంకట్రామ్ రెడ్డి, నాయకులు కార్యకర్తలతో కలిసి సీఎం రేవంత్ రెడ్డి ఫొటోకు క్షీరాభిషేకం చేసి, పటాకులు కాల్చి సంబురాలు చేసుకున్నారు. కాగా, జీడబ్ల్యూఎంసీలో పని చేస్తున్న కాంట్రాక్ట్, ఔట్సోర్సింగ్కార్మికులతో ఎమ్మెల్యే నాయిని మాట్లాడారు. వారి సమస్యల పరిష్కారానికి కృషి చేస్తామని హామీ ఇచ్చారు.
