- మాయమాటలతో ఇంజక్షన్లు అమ్ముతున్న నిందితుడు
- అరెస్ట్ చేసిన పోలీసులు
హైదరాబాద్ సిటీ, వెలుగు: ‘ఆర్నాల్డ్జైసా బాడీ హోనా క్యా... స్టెరాయిడ్ఇంజక్షన్లేలో’ అంటూ యువకులకు స్టెరాయిడ్ ఇంజెక్షన్లను అమ్ముతున్న ఒకరిని వెస్ట్ జోన్ టాస్క్ ఫోర్స్ టీమ్ అరెస్టు చేసింది. కిషన్బాగ్కు చెందిన ఫైజల్ ఖాన్ (25) ఫర్నిచర్ షాపులో పని చేస్తున్నాడు. బాడీ బిల్డింగ్పై ఆసక్తి ఉండడంతో రెగ్యులర్గా జిమ్కు వెళ్తున్నాడు. అక్కడ పలువురు యువకులు త్వరగా మజిల్స్పెంచాలనే కోరికతో స్టెరాయిడ్ ఇంజెక్షన్లు వాడుతున్నారని తెలుసుకొని క్యాష్ చేసుకోవాలనుకున్నాడు.
సూరత్లోని ఇండియన్ మార్ట్ నుంచి రూ.1.60 లక్షల విలువైన మెఫెంటెర్మైన్ సల్ఫేట్ ఇంజెక్షన్లు తెప్పించాడు. వీటిని తనకు తెలిసిన యువకులకు బాడీ బిల్డింగ్కు ఉపయోగపడుతుందని చెప్పి అమ్ముతున్నాడు. ఇవి వాడడం వల్ల హైపర్ టెన్షన్, హార్ట్ప్రాబ్లమ్స్, అడిక్షన్ తోపాటు మరణానికి దగ్గరయ్యే అవకాశం ఉంటుంది. నమ్మదగిన సమాచారం మేరకు అత్తాపూర్లోని ఏషియన్థియేటర్ సమీపంలో ఫైజల్ ఖాన్ను పట్టుకున్నారు.
133 మెఫెంటెర్మైన్ సల్ఫేట్ ఇంజెక్షన్లు, 100 డిస్పోజబుల్ సిరంజీలు, మొబైల్ ఫోన్ స్వాధీనం చేసుకన్నారు. ఇంజెక్షన్లు వాడిన వారికి కౌన్సెలింగ్ చేసి, వైద్య సలహా తీసుకోవాలని పోలీసులు సూచించారు. ఇన్స్పెక్టర్ చి.యాదేందర్, ఎస్ఐ ఎం.జాహెద్ పాల్గొన్నారు.
