యమపాశంతో ప్రాణాలు తీసుకెళ్లే యమరాజు గురించి పురాణాల్లో కథలు కథలుగా వినుంటాం. కానీ, ఉత్తరాఖండ్కి చెందిన ఈ యమరాజు మాత్రం తన ప్రాణాలకు తెగించి ఇతరుల్ని ఆపాయం నుంచి గట్టెక్కిస్తున్నాడు. ముప్పైఆరేళ్లుగా కొన్ని వేల మంది ప్రాణాలు కాపాడాడు. ఉత్తరాఖండ్లో ఎవరు వరదల్లో చిక్కుకున్నా, నీళ్లలో కొట్టుకుపోతున్నా మొదటి ఫోన్ కాల్ యమరాజుకే వస్తుంది. కాల్ రావడమే ఆలస్యం మరుక్షణం అక్కడికి చేరుకుని రిస్క్యూ మొదలుపెడతాడు. వరదల్లో చిక్కుకున్న వాళ్లని క్షేమంగా ఒడ్డుకు చేర్చుతాడు. 49 ఏండ్లుగా వర్షాకాలంలో వందల మందిని క్షేమంగా వాళ్ల గమ్యాలకు చేరుస్తున్నాడు. కొన్నేళ్ల క్రితం ఉత్తరాఖండ్ అందాల్ని చూడడానికి ఫారిన్ నుంచి ట్రావెలర్స్ వచ్చారు. ఆ సంవత్సరం కుండపోత వర్షాలకు ఉత్తరాఖండ్ అతలాకుతలమైంది. మరీ ముఖ్యంగా యమరాజు సొంతూరు బంగాపాణీ రీజియన్లో పెద్ద మొత్తంలో ప్రాణ, ఆస్తి నష్టం జరిగింది. ఫారినర్స్ కూడా వరదల్లో చిక్కుకున్నారు. ఊరి నుంచి బయటపడే మార్గం లేదు. సరిగ్గా ఆ టైంలో యమరాజు వాళ్లని గమనించి సాయం చేశాడు. రాత్రంతా వాళ్లని భుజాలపై మోస్తూ ఒడ్డుకు చేర్చాడు. అప్పుడు ఆనందాన్ని చూసిన యమరాజు ఎవరు సాయమడిగినా వరదల నుంచి కాపాడుతున్నాడు వాళ్లు వందోరెండొందలో ఇస్తే నవ్వుతూ తీసుకుంటున్నాడు.
