గ్లోబల్ స్టార్ ఎన్టీఆర్(Ntr) హీరోగా వస్తున్న లేటెస్ట్ పాన్ ఇండియా మూవీ దేవర(Devara). టాలీవుడ్ స్టార్ డైరెక్టర్ కొరటాల శివ(Koratala shiva) దర్శకత్వంలో వస్తున్న ఈ మాస్ ఎంటర్టైనర్ వచ్చే ఏడాది ప్రేక్షకుల ముందుకు రానుంది. ఆర్ఆర్ఆర్(RRR) లాంటి బ్లాక్ బస్టర్ తరువాత ఎన్టీఆర్ నుండి వస్తున్న సినిమా కోసం ఫ్యాన్స్, ఆడియన్స్ ఈగర్ గా వెయిట్ చేస్తున్నారు. దీంతో దేవర సినిమాపై భారీ అంచనాలు నెలకొన్నాయి. దీంతో ఈ విషయంలోనూ కాంప్రమైజ్ కాకుండా తెరకెక్కిస్తాన్నాడు కొరటాల.
అంతేకాదు.. దేవర నటీనటుల ఎంపిక విషయంలో కూడా చాలా జాగ్రత్తలు తీసుకుంటున్నాడు. ఇప్పటికే ఈ సినిమా కోసం బాలీవుడ్ నుండి జాన్వీ కపూర్, సైఫ్ ఆలీ ఖాన్ ను తీసుకున్న కొరటాల.. మరో కీ రోల్ కోసం మరో ప్రత్యేకమైన యాక్టర్ ను తీసుకున్నాడట దర్శకుడు. ఆ యాక్టర్ మరెవరో కాదు మంచు లక్ష్మి.
ఈ సినిమాలో ఎన్టీఆర్ అక్క పాత్ర చాలా కీలకం కానుందట. ఆ పాత్ర కోసం మంచు లక్ష్మి అయితేనే బాగుటుందని భావించాడట కొరటాల. అందుకే మంచు లక్ష్మిని తీసుకున్నారనే వార్తలు వైరల్ అవుతున్నాయి. చాలా ఎమోషనల్ గా సాగే ఈ పాత్రలో మునుపెన్నడూ కనిపించనంత కొత్తగా కనిపించనున్నారట మంచు లక్ష్మి. ఈ పాత్రలో ఆమె నటన చాలా అద్భుతంగా, గుర్తుండిపోయేలా ఉంటుందని సమాచారం. ప్రస్తుతానికి రూమర్ గా ఉన్న ఈ న్యూస్ పై త్వరలోనే అధికారిక ప్రకటన రానుంది.
