'రోజా', 'బొంబాయి', 'దళపతి', 'గురు', 'గీతాంజలి' వంటి చిత్రాలతో తనదైన ముద్ర వేసిన దర్శకుడు మణిర త్నం. తాజాగా 'పొన్నియన్ సిల్వన్' ఫ్రాంచైజీతో గ్రాండ్ కమ్ బ్యాక్ ఇచ్చిన ఆయన భారీ స్థాయి విజువల్స్ తో ప్రేక్షకులను ఆకట్టుకున్నారు. ఆ తర్వాత వచ్చిన 'థగ్ లైఫ్' చిత్రం ఆశించిన స్థాయిలో సక్సెస్ సాధించలేకపోయింది. ఈ నేపథ్యంలో ఆయన తదుపరి ప్రాజెక్టును ప్రేమ కథగా తెరకెక్కించేందుకు సిద్ధమవుతున్నారని కోలీవుడ్ లో టాక్ వినిపిస్తోంది.
ఈ మూవీలో విజయ్ సేతుపతి, సాయిపల్లవి ప్రధాన పాత్రలు పోషించనున్నట్లు సమాచారం. ఇప్పటికే ఇద్దరూ సినిమాకు గ్రీన్ సిగ్నల్ ఇచ్చా రని తెలుస్తోంది. ఈ సినిమాను వచ్చే జనవరి లో అధికారికంగా ప్రకటించి, ఏప్రిల్ నుంచి షూటింగ్ ప్రారంభించాలని మణిరత్నం భావస్తున్నారట. వాస్తవానికి ఈ ప్రాజెక్ట్లు మొదట శింబును కథానాయకుడిగా తీసుకోవాలని ప్లాన్ చేశారని వార్తలొచ్చాయి.
అయితే కొన్ని అనివార్య కారణాల వల్ల ఈ ప్రాజెక్ట్లో శింబు భాగం' కాలేకపోయారట. ఆ తర్వాత కథకు అనుగుణంగా విజయ్ సేతుపతిని ఎంపిక చేసినట్లు సమాచారం. విజయ్ సేతుపతి, మణిరత్నం కాంబినేషన్ గతంలో వచ్చిన 'సవాజ్' సినిమా ప్రశంసలు అందుకుంది. ఇప్పుడు రెండోసారి ఈ ఇద్దరి కలయిక రిపీట్ కాబోతుండటంతో అంచనాలు భారీగా ఉన్నాయి.
