టాలీవుడ్ లో మన్మధుడు(Manmadudu) అంటే ఠక్కున గుర్తొచ్చే హీరో నాగార్జున(Nagarjuna). అది ఎంత ఫేమసో, ఆయన హీరోగా చేసిన మన్మధుడు సినిమా కూడా అంతే ఫేమస్. లవ్ అండ్ ఎమోషనల్ ఎంటర్టైనర్ గా వచ్చిన ఈ సినిమా 2002 విడుదలై భారీ విజయాన్ని సాధించింది. త్రివిక్ర‌మ్(Trivikram) కథ, మాట‌లు కే.విజయభాస్కర్(K Vijayabhaskar) దర్శకత్వంలో వచ్చిన ఈ సినిమాలో సోనాలి బింద్రే(Sonali Bindre), అన్షు (Anshu) హీరోయిన్‌లుగా న‌టించారు.
అయితే ఈ సినిమా టాలీవుడ్ లోకి బ్లాక్ బస్టర్ ఎంట్రీ ఇచ్చింది అన్షు స‌గ్గ‌ర్. సినిమాలో మహి పాత్రలో కనిపించిన ఆమె తన నటనతో తెలుగు ప్రేక్షకులను ఆకట్టుకున్నారు. పాత్ర చిన్నదే అయినా చాలా ఇంపాక్ట్ క్రియేట్ చేసింది ఈ బ్యూటీ. ఇక మన్మధుడు మూవీ బ్లాక్ బస్టర్ అవడంతో ఈ తర్వాత మంచి అవకాశాలు అందుకున్నారు అన్షు. ప్రభాస్ తో రాఘవేంద్ర మూవీలో ఛాన్స్ దక్కించుకున్నారు. కానీ, ఆ సినిమాతో పరాజయాన్ని చవిచూసింది. ఆ తరువాత నుండి సినిమాలకు దూరంగా ఉంటూ వచ్చిన ఆమె..చాలా కావాలంగా ఇంగ్లాడ్ లో సెటిల్ అయ్యారు.
అప్పట్లో ఈ బ్యూటీ అందానికి యూత్‌ పిచ్చెక్కిపోయారు. తాజాగా అన్షు రీ ఎంట్రీకి రంగం సిద్ధమైంది. సందీప్ కిషన్ హీరోగా డైరెక్టర్ త్రినాధరావు నక్కిన దర్శకత్వంలో ఓ సినిమా చేస్తున్న విషయం తెలిసిందే. హాస్య మూవీస్ బ్యానర్ మీద రాజేష్ దండ నిర్మిస్తున్న ఈ సినిమాలో అన్షు ఒక కీలక పాత్రలో నటిస్తున్నట్లు సమాచారం.
ఈ మేరకు డైరెక్టర్ త్రినాథరావు అన్షుకి కథ కూడా చెప్పినట్లుగా తెలుస్తోంది. కథ , తన పాత్రలోని ఇంపార్టెన్స్ నచ్చడంతో ఆమె ఈ సినిమాకి గ్రీన్ సిగ్నల్ కూడా ఇచ్చినట్లు టాక్. ఇక 20 ఏళ్ళ తర్వాత అన్షు తెలుగులో రీఎంట్రీ ఇవ్వడం కన్ఫమ్ అనేలా బుజ్ వినిపిస్తోంది. త్వరలో ఆమె ఎంట్రీపై అధికారిక ప్రకటన వచ్చే అవకాశం ఉంది.
