దేశ వ్యాప్తంగా ఇటీవల కురిసిన వర్షాలకు నదులు, వాగులు పొంగి పొర్లుతున్న విషయం తెలిసిందే. అయితే ఈ క్రమంలోనే ఎన్నో బిల్డింగులు, డ్రైనేజీలు దెబ్బతిన్నాయి. ఇలా దెబ్బతిన్న బ్రిడ్జ్ లు, డ్రైనేజీలపై నుంచి వెళితే.. ఇంకేముంది ప్రమాదం కొని తెచ్చుకున్నట్టే. అలాంటి ఘటనకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. ఓ వ్యక్తి డ్రైనేజీ పైనుండి నడుచుతుంటూ వెళ్తూ.. సెకండ్ తేడాతో ప్రమాదం నుంచి తప్పించుకున్నాడు. ఇది చూసి షాక్ కు గురయ్యానని మహీంద్రా గ్రూప్ ఛైర్మన్ ఆనంద్ మహీంద్రా ట్వీట్ చేశారు.
సీసీటీవీలో రికార్డు అయిన వీడియో ప్రకారం... ఓ వ్యక్తి మామూలుగా రోడ్డు పక్క నుంచి నడుస్తూ.. ఓ షాప్ లోకి వెళ్లే క్రమంలో ఈ ఘటన జరిగనట్టు తెలుస్తోంది. అలా వెళ్తున్న సమయంలోనే అతడు డ్రైనేజీ పై కప్పుపై కాలు వేయగానే అది షేక్ అవ్వడాన్ని ఈ వీడియోలో గమనించవచ్చు. ఆ వ్యక్తి ఒక అడుగు వేసి, మరో అడుగు వేయగానే... డ్రైనేజీ పై కప్పు ఒక్కసారిగా కూలిపోయింది. అప్పటికే ఒక అడుగు వేసి ముందుకు వెళ్లిపోయిన ఆ వ్యక్తి పెను ప్రమాదం నుంచి తప్పించుకున్నాడు. అనంతరం జరిగిన విషయాన్ని చూసి.. షాక్ కు గురయ్యాడు. ఈ వీడియో ఇప్పటికే సోషల్ మీడియాలో ట్రోల్ అవుతుండగా.. ఆనంద్ మహీంద్రా కూడా షాక్ అయ్యారు. అంతే కాకుండా ఈ వ్యక్తి స్థానంలో మీరుంటే ఎలా ఆలోచిస్తారు అంటూ ఈ వీడియోను షేర్ చేశారు.
I’m going to spend the weekend trying to figure out what message the Universe was sending this man. What would you be thinking if you were him? pic.twitter.com/U55PDCZPry
— anand mahindra (@anandmahindra) August 5, 2022
