న్యూఢిల్లీ: ఆటోమొబైల్ తయారీ, మొబిలిటీ రంగంలో టెక్నాలజీ ఆధారిత సొల్యూషన్లను అభివృద్ధి చేసేలా స్టార్టప్‌‌‌‌‌‌‌‌‌‌‌‌‌‌‌‌లకు మద్దతు ఇవ్వడానికి మారుతి సుజుకి ఇండియా బుధవారం డిపార్ట్మెంట్ఫర్ప్రమోషన్ఆఫ్ ఇండస్ట్రీ అండ్ ఇంటర్నల్ ట్రేడ్(డీపీఐఐటీ)తో చేతులు కలిపింది. 'స్టార్టప్ ఇండియా' కార్యక్రమం కింద డీపీఐఐటీ గుర్తించిన స్టార్టప్‌‌‌‌‌‌‌‌‌‌‌‌‌‌‌‌లకు మారుతి సుజుకి ఇన్నోవేషన్ కార్యక్రమాలలో పాల్గొనే అవకాశం ఉంటుంది.
స్టార్టప్లు నిపుణుల మార్గదర్శకత్వం, పరిశ్రమ సమాచారం, ఆటో తయారీదారుల నెట్‌‌‌‌‌‌‌‌‌‌‌‌‌‌‌‌వర్క్, మౌలిక సదుపాయాలకు యాక్సెస్వంటి ప్రయోజనాలు పొందవచ్చు. ఇవి తమ సొల్యూషన్లను ప్రదర్శించడానికి ఇంక్యుబేటర్లు, యాక్సిలరేటర్లు పెట్టుబడిదారులతో కనెక్ట్ అవ్వడానికి ఒక వేదికను పొందుతాయి.
