మహారాష్ట్రలో విషాద సంఘటన చోటుచేసుకుంది. ఛత్రపతి శంభాజీ నగర్( ఔరంగాబాద్‌గా)లోని కంటోన్మెంట్ ప్రాంతంలో జరిగిన భారీ అగ్ని ప్రమాదంలో ఏడుగురు ప్రాణాలు కోల్పోయారు. ఏప్రిల్ 3వ తేదీ బుధవారం తెల్లవారుజామున ఓ బట్టల దుకాణంలో అగ్నిప్రమాదం సంభవించింది. ఈ ఘటనలో ఊపిరాడక ముగ్గురు మహిళలు, ఇద్దరు పురుషులు, ఇద్దరు పిల్లలతో సహా ఏడుగురు మృతి చెందారు. సమాచారం అందుకున్న అగ్ని మాపక సిబ్బంది హుటాహుటినా సంగటనాస్థలానికి చేరుకుని సహాయక చర్యలు చేపట్టారు. ఫైర్ ఇంజన్ తో మంటలను అదుపు చేశారు.
ఈ సంఘటనపై శంభాజీ నగర్ పోలీస్ కమీషనర్ మనోజ్ లోహియా మాట్లాడుతూ.. "ఉదయం 4 గంటల సమయంలో, ఛత్రపతి శంభాజీ నగర్‌లోని కంటోన్మెంట్ ప్రాంతంలోని ఒక బట్టల దుకాణంలో మంటలు చెలరేగాయి. మంటలు రెండవ అంతస్తుకు వ్యాపించలేదు.. కానీ తరువాత ప్రాథమిక విచారణలో ఊపిరాడక ఏడుగురు చనిపోయారని తేలింది. ఈ అగ్నిప్రమాదానికి గల కారణం ఇంకా స్పష్టంగా తెలియరాలేదు.ఈ ఘటనలో విచారణ జరుగుతోంది" అని తెలిపారు.
#WATCH | Maharashtra: A massive fire broke out in a clothing shop in the cantonment area of Chhatrapati Sambhajinagar, Aurangabad. Further details awaited. pic.twitter.com/Uokb80upnP
— ANI (@ANI) April 3, 2024
