- ఊరికి పుట్టినరోజు సెలబ్రేషన్స్
- మెదక్ జిల్లా లక్ష్మీనగర్ లో ఆటపాటలతో సంబురాలు
పాపన్నపేట, వెలుగు : ‘మామూలుగా మనుషులకు పుట్టిన రోజు సెలబ్రేషన్స్ చేస్తరు..కొంతమంది తాము పెంచుకునే కుక్కులు, పిల్లులకు కూడా బర్త్ డే వేడుకలు చేస్తున్నరు, కానీ, ఊరికి చేసుడేంది. ’ అని సప్రైజ్ అయితున్నరా? అవును మీరు చదువుతున్నది నిజమే... మెదక్జిల్లా పాపన్నపేట మండలం లక్ష్మీనగర్అనే ఊరికి ప్రతి సంవత్సరం సంక్రాంతి రోజు గ్రామస్తులంతా కలిసి పుట్టిన రోజు వేడుకలు జరుపుతున్నరు. ఈ సంక్రాంతికి లక్ష్మీనగర్ పుట్టి 74 ఏండ్లయిన సందర్భంగా ధూంధాంగా సంబురాలు చేసిండ్రు. 1200 వందల జనాభా ఉన్న ఈ ఊరు1995లో గ్రామ పంచాయతీగా ఏర్పడింది. మన ఊరిని మనమే డెవలప్చేసుకోవాలె అనే నినాదంతో పెండ్యాల ప్రసాద్అనేటాయన 2014ల లక్ష్మీనగర్ వెల్పేర్ సొసైటీ ఏర్పాటు చేసిండు. ప్రతి యేడు ఊరికి పుట్టిన రోజు చేద్దాం అనే కాన్సెప్ట్తో ఊళ్లో వాళ్లందరిని ఏకం జేసి ఏడేండ్లుగా సక్సెస్పుల్గా కొనసాగిస్తుండు.
ముగ్గులు, ఆటల పోటీలు...
విలేజ్ బర్త్డే సందర్భంగా సంక్రాంతి రోజు గ్రామంలో ముగ్గులు, కబడ్డీ, ఖోకో, స్లో సైకిల్ వంటి పోటీలు నిర్వహించిన్రు. గెలిచినోళ్లకు ప్రైజులు కూడా ఇచ్చిన్రు. రాత్రి సర్పంచ్అనురాధ, ఎంపీటీసీ నాగదుర్గ, మరికొంతమంది కలిసి కేక్ కట్ చేసిన్రు. అంతకు ముందు గత ఏడాది ఊరిలో సచ్చిపోయినోళ్లను గుర్తు చేసుకున్నరు. పెండ్యాల ప్రసాద్, సొసైటీ అధ్యక్షుడు పిన్న ప్రసాద్, టీఆర్ఎస్ లీడర్ ఏడుకొండలు పాల్గొన్నరు.
