- రూట్ మ్యాప్, బస్సులు, పార్కింగ్.. సకల వివరాలు ఫోన్లో
- వెబ్సైట్, యాప్ను లాంచ్చేసిన ములుగు కలెక్టర్ కృష్ణ ఆదిత్య
ములుగు, వెలుగు: మేడారం మహాజాతరకు తరలివెళ్లే భక్తుల కోసం ప్రభుత్వం అధికారిక వెబ్సైట్తోపాటు మొబైల్ యాప్ను అందుబాటులోకి తీసుకొచ్చింది. ములుగు కలెక్టర్ కృష్ణ ఆదిత్య అధికారులతో కలిసి వెబ్సైట్తోపాటు, యాప్ను ఇటీవలే లాంచ్ చేశారు. వనదేవతల వద్దకు చేరుకునేందుకు రూట్మ్యాప్, సమ్మక్క, సారలమ్మ గద్దెల వద్ద సమాచారం, జాతరలో భక్తుల కోసం ఏర్పాటు చేసిన వివిధ రకాల సౌలత్లు ఈ యాప్ ద్వారా తెలుసుకోవచ్చు. 2018 జాతర నుంచి ఇలాంటి సేవలు భక్తులకు అందిస్తున్న ఆఫీసర్లు ప్రతీ సారి కొత్త ఫీచర్లను అందుబాటులోకి తీసుకువస్తున్నారు. ఈ నెల16 నుంచి19 వరకు జరిగే మహా జాతరకు కోటి మందికిపైగా భక్తులు తరలిరానున్నారని అంచనా. తెలంగాణ, ఏపీతోపాటు ఇతర రాష్ట్రాల నుంచి వచ్చే భక్తులకు ఇబ్బందులు రాకుండా అధికారులు అన్ని ఏర్పాట్లు చేస్తున్నారు.
యాప్లో ఏముందంటే..
మేడారం, ఊరట్టం, సమ్మక్క కొలువైన చిలుకలగుట్ట, సారలమ్మ కొలువైన కన్నెపల్లి, రెడ్డిగూడెం, బస్టాండ్ ఏరియా, నార్లాపూర్ తదితర ప్రాంతాలను ట్యాగ్చేస్తూ ఆయా శాఖల క్యాంపులను అనుసంధానం చేశారు. ముఖ్యంగా కరోనా వ్యాక్సినేషన్ సెంటర్లు, ల్యాండ్ మార్క్స్, పార్కింగ్ ప్లేసెస్, టాయిలెట్స్, హెల్త్ క్యాంపులు, స్నాన ఘట్టాలు, బస్ పాయింట్లు, మిస్సింగ్ అంశాలు యాప్లో పొందుపరిచారు. యాప్లో ఆఫ్లైన్ నావిగేషన్ సౌకర్యం కల్పించారు. పోలీసు శాఖ ఆధ్వర్యంలో యాప్లో మరో 9 రకాల సేవలను అందుబాటులో ఉంచారు. మేడారం చేరుకోవడం, మేడారం నుంచి వారి ప్రాంతాలకు వెళ్లడం, ఏదైనా ఇన్సిడెంట్లు జరిగితే రిపోర్టు చేయడం, మిస్సింగ్అనౌన్స్మెంట్సెంటర్, రిపోర్ట్ మిస్సింగ్పర్సన్, పోలీసుల గైడ్లైన్స్, ట్రాఫిక్, కరోనా రూల్స్పొందుపరిచారు. ఎలాంటి సహాయం కావాలన్నా ఈ యాప్ ద్వారా పొందవచ్చు. ట్రాఫిక్ అప్డేట్స్ కోసం మేడారానికి వెళ్లే ప్రధాన రూట్లను లింక్చేశారు. ములుగు నుంచి పస్రా, మేడారం నుంచి పస్రా, ములుగు నుంచి ఆత్మకూరు, ఆత్మకూరు నుంచి వరంగల్ ఇలా రూట్ల వారీగా గూగుల్మ్యాప్కు ఆన్లైన్, ఆఫ్లైన్లో అనుసంధానించారు.
ఎలా డౌన్లోడ్చేసుకోవాలి?
యాప్డౌన్లోడ్చేసుకోవాలనుకుంటున్న వారు www.medaramjathara.com సైట్నుంచి డౌన్లోడ్చేసుకోవచ్చు. లేదా ప్లేస్టోర్లో ‘మేడారం జాతర గైడ్– అఫీషియల్’ పేరుతో ఉన్న యాప్ను డౌన్లోడ్చేసుకోవచ్చు.
భక్తులకు ఇబ్బంది లేకుండా..
మేడారం జాతరకు వచ్చే భక్తులు ఇబ్బందులు పడకుండా అన్ని వివరాలతో యాప్, వెబ్సైట్ అందుబాటులోకి తీసుకొచ్చాం. పోలీసు, రెవెన్యూ, మెడికల్, ఎండోమెంట్ శాఖల సేవలన్నీ ఒకే దగ్గరకు తెచ్చాం. జాతర రూట్ మ్యాప్, బస్సు సర్వీసులు, అమ్మవార్ల గద్దెలు, జంపన్నవాగు, హెల్త్క్యాంపుల వివరాలు భక్తులు పొందవచ్చు. యాప్లో వివరాలను వాడుకొని భక్తులు కరోనా రూల్స్ పాటిస్తూ.. అమ్మవార్లను దర్శించుకోవాలి.
- కృష్ణ ఆదిత్య, కలెక్టర్, ములుగు జిల్లా
