బోయిన్ పల్లి, వెలుగు: మేడ్చల్ ఎమ్మెల్యే మల్లారెడ్డి దంపతుల 50వ వివాహ వార్షికోత్సవ వేడుకలు గురువారం బోయిన్పల్లిలోని ఆయన నివాసంలో ఘనంగా జరిగాయి. ఈ సందర్భంగా 50 కిలోల కేక్ కట్ చేయగా, అభిమానులు వారిని గజమాలతో ఘనంగా సత్కరించారు.
ఈ సందర్భంగా మల్లారెడ్డి మాట్లాడుతూ.. తన భార్య కల్పన జీవితంలోకి వచ్చిన తర్వాతే తాను అనేక మైలురాళ్లు దాటి ఈ స్థాయికి చేరుకున్నానన్నారు. యువత తమ అన్యోన్య దాంపత్యాన్ని ఆదర్శంగా తీసుకోవాలని సూచించారు. 75 వసంతాల వేడుకను సైతం చేసుకుంటామని ప్రజల అభిమానం ఆశీస్సులు తమపై ఉండాలని ఆకాంక్షించారు.
