మెగాస్టార్ చిరు నటించిన వాల్తేరు వీరయ్య బాక్సాఫీస్ను షేక్ చేస్తోంది. సంక్రాంతి కానుకగా ప్రపంచవ్యాప్తంగా విడుదలైన ఈ సినిమా.. రికార్డు స్థాయి కలెక్షన్లతో దూసుకెళ్తోంది. చిరును మాస్ లుక్లో చూసేందుకు ఫ్యాన్స్ థియేటర్లకు క్యూ కడుతున్నారు. తాజాగా వాల్తేరు వీరయ్య సినిమా చూస్తూ ఓ చిన్నారి చేసిన హంగామా సోషల్ మీడియాలో హల్చల్ చేస్తోంది. థియేటర్లో స్క్రీన్ పై పూనకాలు లోడింగ్ సాంగ్ చూసిన ఆ చిన్నారి స్టెప్పులేస్తూ అందరినీ ఆకట్టుకుంది. ఆ వీడియోను చూసిన మెగాస్టార్.. చిన్నారిని అభినందించకుండా ఉండలేకపోయారు. ఆ డ్యాన్స్ చేసిన వీడియో ట్వీట్ చేస్తూ.. తర్వాతి జనరేషన్లోనూ పూనకాలు కంటిన్యూ అవుతున్నాయని క్యాప్షన్ పెట్టారు.
వాల్తేరు వీరయ్యలో మెగాస్టార్ చిరంజీవి వింటేజ్‌ లుక్‌ని చూసి ఫ్యాన్స్ తెగ సంబరపడిపోతున్నారు. చిరు డ్యాన్స్‌లు, యాక్షన్‌ సీక్వెన్స్‌కు తోడు.. కామెడీ జత కావడంతో వాల్తేరు వీరయ్య సూపర్ హిట్గా దూసుకెళ్తోంది. దీంతో సంక్రాంతికి విడుదలైన సినిమాల్లో ఇదే బెస్ట్‌ అంటూ ప్రేక్షకులు థియేటర్లకు క్యూ కడుతున్నారు. రిలీజైన మొదటి రోజు రూ.55 కోట్లకుపైనే గ్రాస్ వసూళ్లు సాధించిన ఈ సినిమా.. రెండో రోజూ హవా కొనసాగించింది. ఇక రెండో రోజు నాటికి ప్రపంచ వ్యాప్తంగా రూ .75.50 కోట్లకు పైగానే గ్రాస్ కలెక్షన్లు రాబట్టింది.
