రచ్చ లేపిన రెడ్ కార్డ్స్ లొల్లి.. ఫుట్‌బాల్ వరల్డ్ కప్‌ ప్రారంభ మ్యాచ్⁬లో సౌతాఫ్రికాపై మెక్సికో కిర్రాక్ విక్టరీ!

FIFA World Cup 2026: మెక్సికోలోని ఐకానిక్ ‘ఎస్టాడియో అజ్టెకా’ స్టేడియంలో ఫిఫా వరల్డ్ కప్ 2026 ఫస్ట్ మ్యాచ్ లో హైడ్రామా కొనసాగింది. హోస్ట్ కంట్రీ మెక్సికో 2–0 తేడాతో సౌతాఫ్రికాపై ఈజీగా గెలిచి టోర్నమెంట్‌లో బోణీ కొట్టింది. అయితే ఈ మ్యాచ్‌లో గోల్స్ కంటే.. అంపైర్ చూపించిన మూడు రెడ్ కార్డ్స్, ప్లేయర్ల మధ్య జరిగిన గొడవలే మ్యాచ్‌కే హైలైట్‌గా నిలిచాయి.

క్వినోనెస్, జిమెనెజ్ గోల్స్ విధ్వంసం:
మ్యాచ్ స్టార్ట్ అయిన 9వ నిమిషంలోనే మెక్సికో ప్లేయర్ జూలియన్ క్వినోనెస్ (Julián Quiñones) అదిరిపోయే గోల్ కొట్టాడు. సౌతాఫ్రికా గోల్‌కీపర్ కాళ్ల సందులో నుంచి బాల్‌ను నెట్‌లోకి పంపి.. ఈ 2026 వరల్డ్ కప్‌లోనే ఫస్ట్ గోల్ కొట్టిన ప్లేయర్‌గా హిస్టరీ క్రియేట్ చేశాడు. ఇక సెకండ్ హాఫ్‌లో రావుల్ జిమెనెజ్ (Raúl Jiménez) హెడర్ ద్వారా మరో సూపర్ గోల్ కొట్టి మెక్సికో లీడ్‌ను 2–0కు పెంచి మ్యాచ్‌ను వన్‌సైడ్ చేసేశాడు. మ్యాచ్ మొత్తం మెక్సికోనే ఫుల్ డామినేట్ చేసింది.

మూడు రెడ్ కార్డ్స్ లొల్లి:
సెకండ్ హాఫ్ స్టార్ట్ అయిన 4 నిమిషాలకే అసలు లొల్లి షురూ అయింది. మెక్సికో ప్లేయర్ గుటియారెజ్ గోల్ కొట్టడానికి పరిగెత్తుతుండగా.. వెనక నుంచి సౌతాఫ్రికా ప్లేయర్ యాయా సితోలే ఫౌల్ చేశాడు. దీంతో రెఫరీ విల్టన్ సంపాయో ఏమాత్రం ఆలోచించకుండా అతనికి 'స్ట్రెయిట్ రెడ్ కార్డ్' ఇచ్చి గ్రౌండ్ నుంచి బయటకు పంపించేశాడు. దీంతో సౌతాఫ్రికా 10 మందితోనే ఆడాల్సి వచ్చింది.

రచ్చ లేపిన మెక్సికో:
ఇక కొద్దిసేపటికే సౌతాఫ్రికా సబ్‌స్టిట్యూట్ ప్లేయర్ థెంబా జ్వానే.. బాల్ లేని టైమ్‌లో మెక్సికో ప్లేయర్‌పై చేయి చేసుకోవడంతో VAR (వీడియో అసిస్టెంట్ రెఫరీ) రివ్యూ చూసి అతనికి కూడా రెడ్ కార్డ్ ఇచ్చారు. ఇదైన కొద్దిసేపటికే మెక్సికో కెప్టెన్ సీజర్ మాంటెస్ కూడా ప్రత్యర్థి ప్లేయర్‌ను డేంజరస్ రీతిలో అడ్డుకోవడంతో రెఫరీ ఆయనకు కూడా రెడ్ కార్డ్ చూపించాడు. మొత్తానికి ఒకే మ్యాచ్‌లో ముగ్గురు ప్లేయర్లు రెడ్ కార్డ్స్ తీసుకుని బయటకు పోవడం ఫుల్ కాంట్రవర్సీగా మారినా.. మెక్సికో మాత్రం అనుకున్నట్టే 3 పాయింట్లు ఖాతాలో వేసుకుని రచ్చ లేపింది.