భద్రాద్రికొత్తగూడెం, వెలుగు : తమ సమస్యలు పరిష్కరించాలని కోరుతూ కొత్తగూడెంలోని సింగరేణి హెడ్డాఫీస్ ఎదుట మైనింగ్ స్టాఫ్ గురువారం ధర్నా నిర్వహించారు. మేనేజ్మెంట్ ట్రైనీ(మైనింగ్) విభాగంలో ఖాళీగా ఉన్న 139 పోస్టులను సెకండ్ క్లాస్ మైన్స్ మేనేజర్ సర్టిఫికెట్ గల అంతర్గత అభ్యర్థులతో భర్తీ చేయాలంటూ మైనింగ్ స్టాఫ్ నాయకులు యాజమాన్యాన్ని డిమాండ్ చేశారు.
పెండింగ్లో ఉన్న 2016 బ్యాచ్కు చెందిన ఓఎం ప్రమోషన్ తో కూడిన ఆఫీస్ ఆర్డర్లను రిలీజ్ చేయాలన్నారు. మైనింగ్ స్టాఫ్ ఆందోళనలకు ఏఐటీయూసీ, ఐఎన్టీయూసీ, సీఐటీయూ నేతలు సంఘీ భావం తెలిపారు. జీఎం పర్సనల్ హనుమంతరావుకు వినతిపత్రాన్ని ఇచ్చారు.
