నల్గొండ/సూర్యాపేట, వెలుగు : వచ్చే ఎన్నికల్లో ఉమ్మడి నల్గొండ జిల్లాలో మొత్తం12 సీట్లు గెలుస్తామని మంత్రి హరీశ్రావు చెప్పారు. శుక్రవారం తుంగతుర్తి, నకిరేకల్ నియోజకవర్గ కేంద్రాల్లో జరిగిన ఆశ్వీ రాద సభల్లో ఆయన మాట్లాడారు. కాంగ్రెస్, టీడీపీ పాలనలో తుంగతుర్తి ప్రాంతానికి చుక్కనీరు రాలేదని, కానీ ఇప్పుడు కాలే శ్వరం ప్రాజెక్టుతో ఈ నియోజకవర్గంలో లక్ష ఎకరాలకు నీళ్లు పారుతున్నాయని చెప్పారు. సీఎం కేసీఆర్ వల్లే నల్గొండ నీళ్ల కుండ అయ్యిందన్నారు.
మంత్రి జదీశ్రెడ్డి మాట్లాడుతూ త్వరలో ఎన్నికల నోటిఫికేషన్ రాబోతుందని, మళ్లీ మాయమాటలతో మోసం చేసేందుకు కాంగ్రెసోళ్లు వస్తున్నారని, వాళ్ల మాటలను నమ్మొద్దని ప్రజలకు సూచించారు. నకిరేకల్, తుంగతుర్తి నియోజకవర్గాలు వేగంగా అభివృ ద్ధి చెందుతున్నాయన్నారు.
ఎమ్మెల్యేల పనితీరు భేష్
నకిరేకల్, తుంగతుర్తి ఎమ్మెల్యేలు చిరుమర్తి లింగయ్య, గ్యాదరి కిషోర్ కుమార్ పనితీరు బాగుందని మంత్రులు ప్రశంసలు కురిపించారు. కాంగ్రెస్, బీజేపీ ఎన్ని ట్రిక్కులు చేసినా హ్యాట్రిక్ కొట్టేది బీఆర్ఎస్ పార్టీయేనని స్పష్టం చేశారు. నకిరేకల్ప్రజలకు చిరుమర్తి నిత్యం అందుబాటులో ఉంటాడని తెలిపారు. 60 ఏళ్లలో చేయని అభివృద్ధిని తొమ్మిదేండ్లలో చేసిన ఘనత ఎమ్మెల్యే కిషోర్ కుమార్కు దక్కిందన్నారు. ఈ ఎమ్మెల్యేలను మళ్లీ గెలిపించుకోవాలని ప్రజలకు పిలుపునిచ్చారు.
ALSO READ: డెంగ్యూ పేరిట దోచేస్తున్నరు..ఉమ్మడి జిల్లాలో భారీగా నమోదవుతున్న కేసులు
వరాలు.. శంకుస్థాపనలు..
ఎమ్మెల్యే చిరుమర్తి లింగయ్య కోరిక మేరకు నకిరేకల్ పట్టణాభివృద్ధికి రూ.50కోట్లు, నార్కట్పల్లి, రామన్నపేట మండలాలకు కలిపి రూ.26కో ట్లు శాంక్షన్ చేస్తున్నట్టు మంత్రి ప్రకటించారు. రామన్నపేట మండలంలో రూ. 5.70 కోట్లతో 50 పడకల ఆసుపత్రి పనులకు, రూ. 2.50 పడకల ఆసుపత్రి పనులకు శంకుస్థాపన చేశారు. రూ. 101 కోట్లతో నిర్మించనున్న అయిటిపాముల లిఫ్ట్ పనులకు, నకిరేకల్లో రూ. 5.70 కోట్లతో నిర్మించనున్న డిగ్రీ కళాశాల భవన నిర్మాణ పనులను ప్రారంభించారు. ఎస్టీఓ కార్యాలయ భవనం, లైబ్రరీ బిల్డింగ్ ప్రారంభించా రు.
తుంగతుర్తిలో రూ.45 కోట్లతో రూ.100 పడకల ఆసుపత్రి పనులకు మంత్రులు శంకుస్థాపన చేశారు. తుంగతుర్తి-అన్నారం రోడ్డుకు రూ.5కోట్లు, రూ.2.8 కోట్లతో తుంగతుర్తిలో హైలెవల్ బ్రిడ్జి, రూ.4కోట్ల తో సెంట్రల్ లైటింగ్ సిస్టమ్ పనులను ప్రారంభించారు. మోత్కూరు కు 30 పడకల ఆసుపత్రి శాంక్షన్ చేశారు. అర్వపల్లిలో రిటైర్డ్ చీఫ్ ఇంజి నీర్ విద్యాసాగర్ రావు విగ్రహావిష్కరణతోపాటు, కల్యాణ మండపాన్ని మం త్రులు ఓపెనింగ్ చేశారు. కాగా మంత్రుల పర్యటన సందర్భంగా అంగన్వాడీ లను పోలీసులు ముందస్తు అరెస్టు చేసి పోలీస్ స్టేషన్ కు తరలించారు.
పే స్కేల్ వర్తింపజేయాలని ఉద్యోగుల వేడుకోలు
నల్గొండ, వెలుగు : జాతీయ ఉపాధి హామీ పథకం కింద పనిచేస్తున్న ఉద్యోగులకు పే స్కేల్ వర్తింపజేయాలని నల్గొండ జిల్లా ఉపాధి ఉద్యోగులు కోరారు. ఈ మేరకు శుక్రవారం నకిరే కల్, రామన్నపేటలో ఉపాధి ఉద్యోగులు మంత్రిని కలిసి వినతి ప త్రం అందజేశారు. జిల్లా గ్రామీణాభివృద్ధి సంస్థలో పనిచేస్తున్న సె ర్ప్ ఉద్యోగుల తరహాలోనే తమకు కూడా పే స్కేల్ వర్తింప చేయాలని, దాదాపు 18 ఏళ్లుగా డిపార్ట్మెంట్లో సేవలు అందిస్తున్నామ ని మంత్రికి వివరించారు.
