- మంత్రి పొన్నం ప్రభాకర్
హుస్నాబాద్, వెలుగు: అక్కన్నపేట మండలంలోని గిరిజన గ్రామాల అభివృద్ధికి గిరిజన సంక్షేమ శాఖ నిధుల కింద రూ.9.75 కోట్లు మంజూరైనట్లు మంత్రి పొన్నం ప్రభాకర్ గురువారం తెలిపారు. గ్రామాల్లో మౌలిక సదుపాయాల కల్పనలో భాగంగా అంతర్గత సీసీ రోడ్లు, బీటీ రోడ్ల నిర్మాణానికి ఈ నిధులు కేటాయించామన్నారు. పంతులు తండా-ధరావత్ తండా సీసీ రోడ్డు, పంతులు తండా-పిక్కు తండా సీసీ రోడ్డు, తుక్కి తండా-నందారం బీటీ రోడ్డు, పంజాగుట్ట తండా క్రాస్-రాజు తండా బీటీ రోడ్డు, అక్కన్నపేట-నర్సింగ్ తండా సీసీ రోడ్డు, అక్కన్నపేట-గోవర్ధనగిరి వయా బోడిగపల్లి ఆర్ అండ్బీ రోడ్డు నిర్మాణాలు చేయనున్నట్లు చెప్పారు. పనులు వేగంగా పూర్తి చేయాలని అధికారులను ఆదేశించారు. గిరిజన గ్రామాల అభివృద్ధికి పెద్దఎత్తున నిధులు కేటాయించి కృషి చేస్తున్న మంత్రి పొన్నం ప్రభాకర్కు అక్కన్నపేట మండల ప్రజలు కృతజ్ఞతలు తెలిపారు.
