పద్మారావునగర్, వెలుగు: సికింద్రాబాద్ ఉజ్జయిని మహంకాళి బోనాల జాతరలో భవిష్యవాణి వినిపించే స్వర్ణలతకు మంత్రి పొన్నం ప్రభాకర్ రూ.లక్ష ఆర్థిక సహాయం అందించారు. మారేడ్పల్లిలో నివసించే స్వర్ణలతకు ఇటీవల డబుల్ బెడ్‌రూమ్ ఇల్లు కేటాయించారు. బోనాల సందర్భంగా స్వర్ణలత ఇంటి రిపేర్లకు ఆర్థిక ఇబ్బందులు ఉన్నట్లు తెలిసింది. లక్ష రూపాయలు అవసరమని తెలియగా, మంత్రి వెంటనే తన వ్యక్తిగత సహాయకుడి ద్వారా ఆ మొత్తాన్ని ఈవో చేతుల మీదుగా స్వర్ణలతకు శనివారం అందించారు.
