కోహెడ (హుస్నాబాద్), వెలుగు: కరీంనగర్ పార్లమెంట్ నియోజవర్గంలో ఎరువులకు ఇబ్బందులు లేకుండా చూడాలని కేంద్ర మంత్రి బండి సంజయ్ ని మంత్రి పొన్నం ప్రభాకర్ కోరారు. శుక్రవారం సిద్దిపేట జిల్లా అక్కన్నపేట, హుస్నాబాద్, కోహెడ మండలాల్లో పనుల జాతర కార్యక్రమంలో భాగంగా కలెక్టర్హైమావతి, అడిషనల్ కలెక్టర్గరిమా అగర్వాల్తో కలిసి పలు అభివృద్ధి పనులకు శంకుస్థాపనలు, ప్రారంభోత్సవాలు చేశారు.
అనంతరం మంత్రి మాట్లాడుతూ..విత్తనాలు, విద్యుత్ రాష్ట్రం చేతిలో ఉంటాయని, ఎరువుల సరఫరా కేంద్రం చేతిలో ఉంటుందన్నారు. యూరియా కేంద్రాల వద్ద బీఆర్ఎస్నాయకులు క్యూ లైన్ లో చెప్పులు పెట్టి వారి పేపర్లు, ఛానెల్లో వేసి ప్రభుత్వాన్ని బదనాం చేయాలని చూస్తున్నారని మండిపడ్డారు. హనుమకొండ జిల్లా పరిధిలో గౌరవెల్లి ప్రాజెక్టు భూసేకరణ కోసంరూ,25 కోట్లు వచ్చాయని, సిద్దిపేట, కరీంనగర్ జిల్లాలకు కూడా నిధులు వస్తాయన్నారు.
గౌరవెల్లి ప్రాజెక్టు విషయంలో ఎన్జీటి రూ.10 కోట్లు ఫైన్ వేసిందని ఆ ఫైన్ కూడా కట్టామన్నారు. సమస్య అధిగమించి కాల్వల భూసేకరణ పూర్తి చేసి నీరు అందిస్తామన్నారు. కార్యక్రమంలో లైబ్రరీ చైర్మన్ లింగమూర్తి, ఆర్డీవో రామ్మూర్తి, సింగిల్ విండో చైర్మన్ శివయ్య, ఏఎంసీ చైర్మన్లు తిరుపతిరెడ్డి, నిర్మల ఉన్నారు.
