సికింద్రాబాద్ శ్రీ ఉజ్జయిని మహంకాళి అమ్మవారిని మంత్రులు వివేక్ వెంకటస్వామి, పొన్నం ప్రభాకర్‌ దర్శించుకున్నారు. వారితో పాటు తెలంగాణ కాంగ్రెస్‌ పార్టీ ఇన్‌చార్జి, ఏఐసీసీ సభ్యుడు సచిన్‌ సావంత్‌, కంటోన్మెంట్‌ ఎమ్మెల్యే శ్రీగణేష్‌, పలువురు కాంగ్రెస్‌ నాయకులు అమ్మవారిని దర్శించుకున్నారు.
ఈ సందర్భంగా ఆలయ వేద పండితులు మంత్రులకు పూర్ణకుంభంతో స్వాగతం పలికారు. అనంతరం వారు అమ్మవారిని దర్శించుకుని ప్రత్యేక పూజలు నిర్వహించారు. వేద పండితుల నుంచి ఆశీర్వచనం స్వీకరించారు. ఈ కార్యక్రమంలో పలువురు కాంగ్రెస్‌ నాయకులు, ఇతర ప్రముఖులు పాల్గొన్నారు.
