హాలియా, వెలుగు: సంక్షేమ పథకాలతో లబ్ధి పొందిన ఓటర్లు నాగార్జున సాగర్ ఉప ఎన్నికలో టీఆర్ఎస్ కు ఓటు వెయ్యకుంటే, వారిని దేవుడే శిక్షిస్తాడని మిర్యాలగూడ ఎమ్మెల్యే భాస్కర్రావు అన్నారు. ఎన్నికల ప్రచారంలో భాగంగా గురువారం నిడమనూరు మండల కేంద్రంలో ఆయన మీడియాతో మాట్లాడారు. ఉప ఎన్నికలో కాంగ్రెస్, బీజేపీలకు ఓటేస్తే, అభివృద్ధి ఏమీ జరగదన్నారు. నియోజకవర్గంలో అభివృద్ధి జరగాలంటే టీఆర్ఎస్కే ఓటు వెయ్యాలన్నారు. పోయిన ఎన్నికల్లో తనకు 31 వేల మెజార్టీ వచ్చిందంటే, అదంతా కేసీఆర్ గొప్పతనమేనని అన్నారు.
