మియాపూర్, వెలుగు: కొద్ది నెలల్లో పెండ్లి జరగాల్సి ఉండగా, సాఫ్ట్వేర్ ఉద్యోగి సూసైడ్ చేసుకున్నాడు. హైటెక్సిటీలోని ఓ ఐటీ కంపెనీలో పనిచేస్తున్న అనిల్ అమిత్ చావ్డా(30) మియాపూర్లోని హఫీజ్‌ పేటలో తల్లితో కలిసి నివాసం ఉంటున్నాడు. అతనికి ఇటీవల ఓ యువతితో నిశ్చితార్థం జరగగా, నవంబర్లో పెండ్లి జరగాల్సి ఉంది. ఈ క్రమంలో మంగళవారం రాత్రి భోజనం చేసిన తర్వాత తన గదిలోకి వెళ్లి అమిత్ డోర్వేసుకున్నాడు.
తల్లి ఎంత పిలిచినా బయటకు రాకపోవడంతో స్థానికుల సహాయంతో తలుపులు బద్దలుకొట్టి చూడగా, సీలింగ్ ఫ్యాన్కు ఉరేసుకొని కన్పించాడు. పెండ్లి విషయంలో నిరాశతోనే తన కొడుకు ఆత్మహత్య చేసుకున్నట్లు తల్లి హీనా ఇచ్చిన ఫిర్యాదుతో పోలీసులు కేసు దర్యాప్తు చేస్తున్నారు.
