- ప్రారంభించిన ఎమ్మెల్యే మర్రి రాజశేఖర్ రెడ్డి
అల్వాల్, వెలుగు: అల్వాల్ సర్కిల్ పరిధి వెంకటాపురం డివిజన్లోని కానాజీగూడలో కొత్తగా ఏర్పాటు చేసిన బస్తీ దవాఖానాను మల్కాజిగిరి ఎమ్మెల్యే మర్రి రాజశేఖర్ రెడ్డి శుక్రవారం ప్రారంభించారు. ఈ సందర్భంగా ఆయన మాట్లాడుతూ.. బస్తీ దవాఖానాల్లో మెరుగైన వైద్య సేవలు అందుతాయన్నారు. అనంతరం అక్కడ ఆయన మెడికల్ టెస్టులు చేయించుకున్నారు. కార్యక్రమంలో మేడ్చల్ జిల్లా డిప్యూటీ డీఎంహెచ్వో డాక్టర్ ఆనంద్, కార్పొరేటర్ సబిత, డీపీవో మంజుల, అల్వాల్ ప్రభుత్వ మెడికల్ కాలేజీ డాక్టర్ ప్రసన్న పాల్గొన్నారు.
