హైదరాబాద్, వెలుగు: ఎస్సీ వర్గీకరణ కొత్త రోస్టర్తో మాల ఉపకులాలకు అన్యాయం జరుగుతోందని, దీన్ని రివైజ్డ్ చేయాలని వర్ధన్నపేట ఎమ్మెల్యే కేఆర్ నాగరాజు కోరారు. అసెంబ్లీ జీరో అవర్లో ఆయన మాట్లాడుతూ ఎస్సీ వర్గీకరణతో ఎస్సీలను మూడు భాగాలు చేశారనీ, మూడో విభాగంలో మాల, దాని 26 ఉపకులాలు పెట్టారని గుర్తుచేశారు. దీంతో వారంతా తీవ్ర ఆవేదన వ్యక్తం చేస్తున్నారని పేర్కొన్నారు.
ఇటీవల రాష్ట్రస్థాయి డెంటల్ ఎగ్జామ్లో మాల ఉపకులాల్లో ఒక్క పోస్టు రాలేదని, రాష్ట్రస్థాయిలో 60 పోలీస్ పోస్టులకు మాలలు, ఆ ఉపకులాలకు ఒక్క పోస్టు రాలేదని గుర్తుచేశారు. పీజీ,ఎంబీఏ, ఎంసీఏ, బీఈడీ, ఎల్ఎల్బీ, పీహెచ్డీ, ఎంబీ బీఎస్ తదితర అన్నింటిలోనూ అన్యాయం జరుగుతోందని, దాన్ని రివైజ్డ్ చేసి న్యాయం చేయాలని కోరారు.
