ఎమ్మెల్సీ నారదాసు లక్ష్మణ్ కు కరోన సోకింది. ఆయనతో పాటు ఆయన భార్య, కుటుంబ సభ్యులు, డ్రైవర్, గన్ మెన్ మొత్తం 8 మందికి కరోనా సోకినట్లు సమాచారం. వారిలో నలుగురు నిమ్స్ లో చేరారు. మరో నలుగురు హోమ్ క్వారంటైన్ లో ఉన్నారు. శనివారం తెలంగాణ భవన్ లో వర్కింగ్ ప్రెసిడెంట్ కేటిఆర్ తో జరిగిన టీఆర్ఎస్ జెనరల్ సెక్రటరీల సమావేశానికి నారదాసు హాజరయ్యారు. ఈ సమావేశానికి 18 మంది జనరల్ సెక్రటరీలు, కొంతమంది ఎమ్మెల్యే లు, ఎమ్మెల్సీలు మరియు నేతలు కూడా హాజరయ్యారు. ఆ తర్వాత టీఆర్ఎస్ కార్యకర్తల ఇన్సూరెన్స్ కు సంబంధించి ఇన్సూరెన్స్ కంపెనీ ప్రతినిధులకు కేటీఆర్ చెక్ అందించిన కార్యక్రమంలో కూడా పాల్గొన్నారు. ఆ కార్యక్రమం సందర్భంగా నారదాసు.. మీడియా ప్రతినిధులతో కూడా మాట్లాడారు. శనివారం మీటింగ్ లో పాల్గొన్న నాయకులు ఆందోళన చెందుతున్నారు.
For More News..
