మంచిర్యాల, వెలుగు: మేడారం సమ్మక్క–సారలమ్మ జాతరకు మంచిర్యాల నుంచి వెళ్లే స్పెషల్బస్సులను ఎమ్మెల్యే ప్రేమ్సాగర్ రావు ప్రారంభించారు. ఆదివారం జడ్పీ బాయ్స్హైస్కూల్గ్రౌండ్లో ఆర్టీసీ అధికారులతో కలిసి బస్సులకు పూజలు చేశారు. అనంతరం జెండా ఊపి బస్సులను ప్రారంభించారు. మేడారం జాతర భక్తులకు బస్టాండ్ పక్కనున్న హైస్కూల్ గ్రౌండ్లో బస్సులు అందుబాటులో ఉంటాయన్నారు.
ఇక్కడి నుంచి మొత్తం 75 బస్సులు నడుపుతున్నామని, రవాణాకు ఎలాంటి ఇబ్బందులు రాకుండా చూస్తున్నట్లు చెప్పారు. భక్తులు ఆర్టీసీ సేవలను వినియోగించుకోవాలని కోరారు. అనంతరం ఈ నెల 21 నుంచి 24 వరకు గోదావరి తీరంలో జరగనున్న జాతర ఏర్పాట్లను ఎమ్మెల్యే పరిశీలిం చారు. త్వరగా ఏర్పాటు పూర్తిచేయాలని సంబంధిత అధికారులను ఆదేశించారు.
ఆదిలాబాద్ నుంచి 65 బస్సులు
ఆదిలాబాద్: మేడారం జాతరకు ఆర్టీసీ ప్రత్యేక బస్సులు నడుపుతున్నట్లు ఆదిలాబాద్ డిపో మేనేజర్ కల్పన ఓ ప్రకటనలో తెలిపారు. ఆదిలాబాద్ డిపో నుంచి 65 ఆర్టీసీ బస్సులు చెన్నూర్ పాయింట్కు వెళ్తాయని, అక్కడి నుంచి మేడారానికి తరలిస్తామని, ఫుల్ టికెట్ రూ. 420 , ఆఫ్ టికెట్ రూ.230 అని పేర్కొన్నారు. సమ్మక–సారలమ్మ జాతరకు వెళ్లలేని భక్తుల కోసం ఆర్టీసీ కార్గో ద్వారా బంగారం ప్రసాదం హోం డెలివరీ చేయనున్నామని, ఇందుకోసం రూ. 299 ద్వారా బుక్ చేసుకోవాల్సి ఉంటుందని వివరించారు.
