గచ్చిబౌలి, వెలుగు : ప్రేమను తిరస్కరించిందని యువతి ఫొటోలు, ఫోన్నంబర్ ను పోర్న్సైట్లో పెట్టాడు. ఆపై ఆమె వాట్సప్కు అసభ్యంగా మెసేజ్లు పంపుతూ వేధిస్తున్న ముంబైకి చెందిన నిందితుడిని సైబరాబాద్ పోలీసులు అరెస్ట్ చేశారు. గచ్చిబౌలి పోలీసులు తెలిపిన ప్రకారం.. ఈస్ట్ ముంబై గోరెగావ్జయప్రకాశ్ నగర్కు చెందిన అభిషేక్ మోహన్ కీర్తికర్(42) అక్కడే ఓ కంపెనీలో మార్కెటింగ్ ఎంప్లాయ్. అదే కంపెనీలో హైదరాబాద్కు చెందిన యువతితో ఐటీ ఎంప్లాయ్ గా జాబ్ చేస్తుండగా అభిషేక్తో పరిచయమైంది.
కొద్ది రోజుల తర్వాత ప్రేమిస్తున్నానని అభిషేక్ చెప్పడంతో ఆమె రిజెక్ట్ చేసింది. దీంతో ఆమెపై పగ పెంచుకుని వేధింపులకు పాల్పడుతుండగా.. భరించలేక యువతి స్థానిక పీఎస్ లో కంప్లయింట్ చేసింది. అనంతరం ఆమె హైదరాబాద్కు వచ్చి హైటెక్ సిటీలో సాఫ్ట్వేర్ జాబ్ లో చేరింది. అయినా అతడు వదలకుండా.. ఆమె ఫొటోలను, ఫోన్నంబర్ ను పోర్న్ వెబ్సైట్లో పెట్టాడు. ఆపై గుర్తు తెలియని ఫోన్ నంబర్ల నుంచి యువతి వాట్సప్ కు అసభ్యంగా మెసేజ్పంపుతూ వేధింపులకు పాల్పడుతున్నాడు. దీంతో యువతి గత ఫిబ్రవరిలో గచ్చిబౌలి పోలీసులకు కంప్లయింట్ చేసింది. కేసు ఫైల్ చేసి ముంబైలో అభిషేక్ ను అరెస్ట్ చేశారు. నిందితుడిని ట్రాన్సిట్ వారెంట్పై సైబరాబాద్ పోలీసులు సిటీకి తీసుకువచ్చి సోమవారం కూకట్పల్లి కోర్టులో హాజరు పరిచారు.
