Asian Para Games: జపాన్‌లోని ఐచి-నాగోయా (Aichi-Nagoya) వేదికగా ప్రారంభమైన ఆసియా పారా గేమ్స్ 2026 (Asian Para Games 2026)లో భారత అథ్లెట్లు బోణీ కొట్టారు. మహిళల 10 మీటర్ల ఎయిర్ రైఫిల్ స్టాండింగ్ SH1 ఈవెంట్‌లో ఇండియన్ పారా షూటర్లు మోనా అగర్వాల్ (Mona Agarwal) బంగారం పతకం సాధించగా, అవనీ లేఖరా (Avani Lekhara) రజత పతకాన్ని గెలుచుకుంది. ఒకే ఈవెంట్‌లో తొలి రెండు స్థానాల్లో (One-Two Finish) భారత షూటర్లే నిలిచి సరికొత్త రికార్డు సృష్టించారు.
మోనా అగర్వాల్ కి గోల్డ్ మెడల్:
* భారత షూటర్ మోనా అగర్వాల్ ఫైనల్లో అద్భుతమైన ప్రదర్శన ఇచ్చి పసిడి పతకాన్ని ముద్దాడింది.
* రెండు సరికొత్త రికార్డులు: క్వాలిఫికేషన్ రౌండ్‌లో 629.1 పాయింట్లు సాధించి సరికొత్త ఆసియా పారా గేమ్స్ క్వాలిఫికేషన్ రికార్డును నెలకొల్పిన మోనా, ఆ తర్వాత జరిగిన ఫైనల్లో 250.0 పాయింట్లతో ఆసియా పారా గేమ్స్ ఆల్-టైమ్ ఫైనల్ రికార్డును తిరగరాసింది.
* అంతర్జాతీయ స్థాయిలో ఇప్పటికే పలు పతకాలతో నిలకడగా రాణిస్తున్న మోనా, ఈ ఆసియా పారా గేమ్స్ స్వర్ణంతో తన కేరీర్‌లో మరొక మైలురాయిని చేరుకుంది.
రజతంతో మెరిసిన అవనీ:
* టోక్యో 2020, ప్యారిస్ 2024 పారాలింపిక్స్ గేమ్స్‌లో స్వర్ణ పతకాలతో భారతదేశ కీర్తిని విశ్వవ్యాప్తం చేసిన అవనీ లేఖరా ఈ ఫైనల్లో 249.6 పాయింట్లు సాధించి రజత పతకాన్ని (Silver Medal) సొంతం చేసుకుంది. కేవలం 0.4 పాయింట్ల స్వల్ప తేడాతో మోనా కంటే వెనుకబడినప్పటికీ, అవనీ తన అత్యుత్తమ షూటింగ్ నైపుణ్యాన్ని ప్రదర్శించి భారత్‌కు రెండో పతకాన్ని అందించింది. గతంలో వెరోనికా వాడోవిచోవాతో కలిసి అవనీ పేరిట ఉన్న క్వాలిఫికేషన్ వరల్డ్ రికార్డును (629.4) ఈ రౌండ్‌లో మోనా అధిగమించడం విశేషం.
GOLD & SILVER MEDAL FOR INDIA IN SHOOTING AT ASIAN PARA GAMES! 🤩🥹 🥇 Mona Agarwal wins the Gold Medal 🥈 Avani Lekhara wins the Silver Medal Top 2 finish for India in the Women’s 10m Air Rifle Standing SH1 event!!!! WELL DONE GIRLS! 🔥🔥🔥🔥🔥 https://t.co/Agw9zSV2si
— The Khel India (@TheKhelIndia) October 19, 2026
