V6 News Velugu

అమ్మ ఒంటరి కాదు

V6 Velugu Posted on Sep 15, 2021

తృణమూల్ కాంగ్రెస్​ ఎంపీ నుస్రత్​ జహాన్​ ఈ మధ్య మొదటిసారి బిడ్డతో మీడియా ముందుకొచ్చింది. ‘మీ బెటర్​ హాఫ్​ ఎక్కడ?’, ‘ఆ బిడ్డకి తండ్రి ఎవరు?’ అనే ప్రశ్నలు ఎదురయ్యాయి ఆమెకు. ‘ఇలాంటి అర్థం లేని ప్రశ్నలు మహిళల క్యారెక్టర్​కి మచ్చ తెస్తాయి. తండ్రి ఎవరనేది ఆ తండ్రికి తెలుసు’ అని ఘాటుగానే చెప్పింది నుష్రత్. సింగిల్​ పేరెంట్​గా ఉన్న మహిళలకు ఇలాంటి సిచ్యుయేషన్స్​ ఎదురవుతుంటాయి. ‘సంతోషంగా లేని రిలేషన్​షిప్​లో కొనసాగడం కంటే జీవితాంతం సింగిల్​ మదర్​గా ఉండడం బెటర్​’ అంటున్న సింగిల్​ మదర్స్​ బిడ్డల బాధ్యత, కెరీర్​... రెండింటినీ బ్యాలెన్స్​ చేసుకుంటున్నారు. తాము బలహీనులం కాదని, తమ ఛాయిస్​ని రెస్పెక్ట్ చేయాలని అంటున్నారు. భర్త నుంచి వేరుగా ఉండాలనే నిర్ణయం తీసుకున్నాక దాని గురించి సింగిల్​ మదర్స్​ ఎప్పుడూ బాధపడొద్దు. అప్పుడే మనల్ని మెంటల్​గా, ఎమోషనల్​గా బయటివాళ్లు డిస్టర్బ్​ చేయలేరు. ఇంట్లో ఉన్నా, ఆఫీసుకి వెళ్లినా కూడా పిల్లల అవసరాలు చాలావరకు తల్లులే చూసుకుంటారు. సింగిల్​ మదర్స్​ని సమాజం యాక్సెప్ట్ చేయాలి. అప్పుడే వాళ్లు స్ట్రాంగ్​ అవుతారు. తమ కాళ్ల మీద తాము నిలబడతారు అంటున్నారు ఎక్స్​పర్ట్స్​.  

Tagged mother, life,