బోధన్, వెలుగు: తెలంగాణలో బీజేపీకి ఎన్నిసీట్లు వచ్చినా తామే అధికారం చేపడుతామని ఎంపీ ధర్మపురి అర్వింద్ దీమా వ్యక్తం చేశారు. ఇప్పటికే కాంగ్రెస్, బీఆర్ఎస్ ఎమ్మెల్యేలు తమ పార్టీ హైకమాండ్తో టచ్లో ఉన్నారని తెలిపారు. మంగళవారం బోధన్లో యువశక్తి విజయ సంకల్పసభ నిర్వహించారు. ఈ సందర్భంగా ఎంపీ అర్వింద్ మాట్లడుతూ బోధన్లో బీజేపీ గెలుస్తే నిజాంషుగర్ ఫ్యాక్టరీని తెరిపిస్తామన్నారు. టీపీసీసీ అధ్యక్షుడు రేవంత్రెడ్డి డిసెంబర్ 3 తర్వాత ఫ్యాక్టరీ భూములను కేసీఆర్ కంటే స్పీడ్గా అమ్ముతారన్నారు. కవిత, రేవంత్ఇప్పటికే కలిసి బిజినెస్ చేస్తున్నారని గుర్తు చేశారు. బీజేపీ అభ్యర్థి వడ్డీ మోహన్రెడ్డి స్థానికంగా ఉంటారన్నారు.
అధికారంలోకి రాగానే నిజామాబాద్లో 500 పడకలతో సూపర్ స్పెషాలిటీ హాస్పిటల్ నిర్మిస్తామన్నారు. కాంగ్రెస్ నాయకులకు అహంకారం, మదం ఎక్కువగా ఉందన్నారు. బోధన్లో బీజేపీ విజయాన్ని ఎవరూ ఆపలేరని బీజేపీ అభ్యర్థి వడ్డి మోహన్ రెడ్డి అన్నారు. బోధన్లో షకీల్ను ఓడించి కమలం పువ్వు గెలుస్తుందన్నారు. కార్యక్రమంలో మేడపాటి ప్రకాశ్ రెడ్డి, వడ్డూరి శ్రీనివాస్, నర్సింహరెడ్డి, సుధాకర్చారి, నాయకులు , యువకులు, తదితరులు పాల్గొన్నారు.
ALSO READ : పండుగ సీజన్ ముగిసింది.. భారీగా పెరిగిన బంగారం ధర
