ముషీరాబాద్,వెలుగు: క్రిమీలేయర్పై సుప్రీంకోర్టు ఇచ్చిన తాజా తీర్పును స్వాగతిస్తున్నామని, అయితే 2015 నుంచి బీసీలకు జరిగిన అన్యాయాలను కూడా సరిదిద్ది బాధితులకు న్యాయం చేయాలని ఎంపీ, జాతీయ బీసీ సంక్షేమ సంఘం అధ్యక్షుడు ఆర్. కృష్ణయ్య పీఎం నరేంద్రమోదీకి విజ్ఞప్తి చేశారు. సోమవారం ఈ అంశంపై ప్రధానమంత్రికి లెటర్రాశారు. ప్రస్తుత సుప్రీంకోర్టు తీర్పు ప్రకారం ప్రభుత్వ ఉద్యోగుల వేతనాలు, వ్యవసాయ ఆదాయాన్ని క్రిమీలేయర్ ఆదాయ పరిమితి నిర్ణయంలో పరిగణనలోకి తీసుకోరాదని స్పష్టం చేసిందన్నారు.
2015 నుంచి క్రిమీలేయర్ రూల్ కారణంగా ఉద్యోగ నియామకాల్లో బీసీలకు జరిగిన అన్యాయాలను కూడా సమీక్షించి, అర్హులైన వారికి న్యాయం చేయాల్సిన అవసరం ఉందన్నారు. ఈ రూల్వల్ల ప్రతి ఏడాది ఐఏఎస్, ఐపీఎస్ నియామకాల్లో 20 నుంచి 30 మంది వరకు బీసీ అభ్యర్థులు ఉద్యోగావకాశాలు కోల్పోతున్నారన్నారు. ఎస్సీ, ఎస్టీ, వికలాంగులు, ఎన్సీసీ, మహిళా రిజర్వేషన్లకు లేని క్రిమిలేయర్ రూల్బీసీలకు మాత్రమే ఎందుకని ప్రశ్నించారు.
