హైదరాబాద్, వెలుగు : నాగోలులో నిర్మించిన ఎస్టీపీని నెలాఖరు లోగా ప్రారంభించేందుకు సిద్ధం చేయాలని వాటర్బోర్డు ఎండీ అశోక్ రెడ్డి అధికారులను ఆదేశించారు. సోమవారం ఆయన ఎస్టీపీని సందర్శించారు. వెట్ వెల్ దగ్గర ఇన్ లెట్ పంపులను స్విచ్ ఆన్ చేసి ట్రయల్ రన్ ప్రారంభించారు. ఈ సందర్భంగా ఎండీ అశోక్రెడ్డి ఎస్టీపీ ప్రాంగణంలో పర్యటించి సీసీ రోడ్లు, లైటింగ్ పనులను పరిశీలించారు. అంతర్గత రోడ్ల నిర్మాణం సహా ముగింపు దశలో ఉన్న పనులను త్వరితగతిన పూర్తిచేయాలని ఆదేశించారు.
ఎస్టీపీ ప్రాంగణంలోని ఖాళీ స్థలంలో ల్యాండ్ స్కేపింగ్, పూల మొక్కలతో బ్యూటిఫికేషన్చేపట్టాలని సూచించారు. అధికారులతో కలిసి మొక్క నాటారు. కార్యక్రమంలో ఈడీ డా.ఎం.సత్యనారాయణ, ప్రాజెక్టు డైరెక్టర్-2 సుదర్శన్, సీజీఎం, జీఎం, ఎస్టీపీ ఇతర అధికారులు, నిర్మాణ సంస్థ ప్రతినిధులు పాల్గొన్నారు.
