చంద్రుడైనా, మార్స్ అయినా ప్రస్తుతం జరుగుతున్న ప్రయోగాలు నీటి జాడ తెలుసుకోవడానికే. వేరే ప్రయోగాలూ జరుగుతున్నా ప్రధాన ఉద్దేశం మాత్రం నీళ్లే. మార్స్ మీద ఇప్పటికే నీటి జాడలున్నట్టు తేలింది. అంగారకుడి మీద జరజరా తిరిగేస్తున్న నాసా క్యూరియాసిటీ రోవర్ మార్స్పై సరస్సున్నట్టు గుర్తించింది. 150 కిలోమీటర్ల వెడల్పైన గాలె లోయలో తిరుగుతున్న రోవర్, ఆ సరస్సు తాలూకు డేటాను సేకరించింది. ఫొటోలు తీసింది. ఆ ఫొటోలను పరిశీలించిన నాసా సైంటిస్టులు సుమారు 350 కోట్ల ఏళ్ల క్రితం ఆ లోయలో పెద్ద సరస్సు ఉండి ఉండొచ్చని అంచనాకు వచ్చారు. లోయ గోడలు, అడుగు భాగంపై ఉన్న నెర్రెలు, పగుళ్లు, అచ్చుల ఆధారంగా ఈ నిర్ధారణకు వచ్చారు. నీటి ప్రవాహంలోని పూడికలు గాలె క్రేటర్లో పొరలుపొరలుగా ఏర్పడ్డాయని అంటున్నారు. గాలి ప్రభావంతో ఆ పొరలే మౌంట్ షార్ప్గా ఏర్పడి ఉంటాయని భావిస్తున్నారు. మార్స్పై ఏ రాయిలోనూ లేని లవణాలు, ఇతర మూలకాలు గాలె క్రేటర్ రాళ్లలో ఉన్నట్టు క్యూరియాసిటీ విశ్లేషణలో తేలింది.
