సామాజిక సామరస్యంపై ప్రతికూల ప్రభావాలను చూపుతూ చైనీస్ షార్ట్-ఫారమ్ వీడియో యాప్ టిక్‌టాక్‌పై నిషేధం విధించాలని నేపాల్ ప్రభుత్వం నిర్ణయించినట్లు స్థానిక మీడియా నివేదించింది. అంతకుముందు జరిగిన కేబినెట్ సమావేశంలో చైనా యాప్‌ను నిషేధిస్తూ నిర్ణయం తీసుకున్నారు. ఖాట్మండు పోస్ట్ నివేదిక ప్రకారం, నేపాల్ ప్రభుత్వం విద్వేషపూరిత ప్రసంగాల ధోరణిని ప్రోత్సహిస్తున్నందుకు టిక్‌టాక్‌ను ఓ వర్గం విమర్శించింది. అయితే ఈ నిషేధం ఎప్పుడు విధిస్తారనేది మాత్రం ఇంకా తేలలేదు.
"టిక్‌టాక్‌ని నిషేధించే నిర్ణయం త్వరలో అమలులోకి వస్తుంది. అయితే నిర్దిష్ట గడువు ఏదీ సెట్ చేయబడలేదు" అని నేపాల్ కమ్యూనికేషన్స్ అండ్ ఇన్ఫర్మేషన్ టెక్నాలజీ మంత్రి రేఖా శర్మ తెలిపారు. ఫేస్‌బుక్, ఎక్స్, యూట్యూబ్, టిక్‌టాక్ లాంటి ఇతర సోషల్ మీడియా ప్లాట్‌ఫారమ్‌లు దేశంలో తమ కార్యాలయాలను ఏర్పాటు చేసుకోవడాన్ని నేపాల్ ప్రభుత్వం తప్పనిసరి చేసిన కొన్ని రోజుల తర్వాత ఈ నిషేధ ఉత్తర్వులు వచ్చాయి.
నేపాల్‌లో కంపెనీల ప్రతినిధులు గైర్హాజరు కావడం, వినియోగదారుల సమస్యలను పరిష్కరించడం, ప్లాట్‌ఫారమ్‌ల నుండి అభ్యంతరకరమైన కంటెంట్‌ను తొలగించడం కూడా అధికారులకు కష్టంగా మారడంపై పెరుగుతున్న ఫిర్యాదులను పరిగణనలోకి తీసుకుని అధికారులు ఈ నిర్ణయం తీసుకున్నారు. దేశంలో పనిచేస్తున్న అన్ని సోషల్ మీడియా ప్లాట్‌ఫారమ్‌లు ఆదేశాలు అమల్లోకి వచ్చిన మూడు నెలల్లోగా నేపాల్‌లో కార్యాలయాన్ని ఏర్పాటు చేయాలి లేదా ప్రతినిధిని నియమించాలి. అదే సమయంలో, ఈ కంపెనీలు తమ సోషల్ మీడియా ప్లాట్‌ఫారమ్‌లను ఇన్ఫర్మేషన్ అండ్ కమ్యూనికేషన్ టెక్నాలజీ మంత్రిత్వ శాఖలో నమోదు చేసుకోవడం తప్పనిసరి. దీన్ని పాటించడంలో విఫలమైతే, నేపాల్ అధికార పరిధిలో సరైన రిజిస్ట్రేషన్ లేని ప్లాట్‌ఫారమ్‌లను మంత్రిత్వ శాఖ మూసివేయవచ్చు.
చైనీస్ టెక్ దిగ్గజం బైట్‌డాన్స్ యాజమాన్యంలోని షార్ట్-వీడియో ప్లాట్‌ఫారమ్ జాతీయ భద్రతా సమస్యలపై జూన్ 29, 2020న భారతదేశం నిషేధించింది. ఈ యాప్ సెప్టెంబరు 2016లో ప్రారంభించిన వెంటనే భారతదేశంలో కొద్ది రోజుల్లోనే ఎంతో పాపులర్ అయింది. 2019లో, ఈ 15-సెకన్ల వీడియో ప్లాట్‌ఫారమ్ భారతదేశంలో ఉన్న ఆండ్రాయిడ్ ప్లాట్‌ఫారమ్‌లో అత్యధికంగా డౌన్‌లోడ్ చేయబడిన యాప్ కావడం గమనార్హం.
