జైపూర్(భీమారం), వెలుగు: మంత్రి వివేక్ వెంటకస్వామి చొరవతో మంచిర్యాల జిల్లా భీమారం మండల కేంద్రంలో క్రికెట్ గ్రౌండ్ ఏర్పాటు సాధ్యమైందని కాంగ్రెస్ మండల అధ్యక్షుడు పొడేటి రవి, సర్పంచ్ ఉష్కమల్ల విజయలక్ష్మి తెలిపారు. బుధవారం ఎస్సై రాజేందర్తో కలిసి ప్రీమియర్ లీగ్ క్రికెట్ టోర్నమెంట్ను ప్రారంభించారు. ఈ సందర్భంగా మాట్లాడుతూ, యువత కోరిక మేరకు క్రికెట్ గ్రౌండ్ కోసం ఐదెకరాల ప్రభుత్వ భూమిని కేటాయించినట్లు చెప్పారు. క్రీడాకారులు క్రీడాస్ఫూర్తితో రాణించి గ్రామీణ స్థాయి నుంచి జాతీయ స్థాయికి ఎదగాలని ఆకాంక్షించారు.
