కరోనాను పూర్తిగా కట్టడి చేసిన మొట్ట మొదటి దేశంగా న్యూజిలాండ్ రికార్డ్ సృష్టించింది. అయితే అది ఎంతో కాలం నిలవలేదు. దాదాపు 102 రోజుల తర్వాత ఆ దేశంలో మళ్లీ కరోనా విస్తరిస్తోంది. ఈ క్రమంలో ఆ దేశ ప్రధాని జసిండా అర్డెర్నర్ కీలక నిర్ణయం తీసుకున్నారు. వచ్చే నెల జరగాల్సిన సాధారణ ఎన్నికలను నాలుగు వారాల పాటు వాయిదా వేశారు.
సెప్టెంబర్ 19న ఈ ఎన్నికలు జరగాల్సి ఉంది. అయితే ఆ ఎన్నికలను అక్టోబర్ 17వ తేదీకి వాయిదా వేశారు. ఓటర్లు భయాందోళనలకు గురికాకుండా ఉండేందుకే ఈ నిర్ణయం తీసుకున్నామని చెప్పారు జసిండా. అన్ని రాజకీయ పార్టీలతో చర్చించిన తర్వాతే ఈ నిర్ణయం తీసుకున్నామన్నారు. కరోనా కారణంగా ఆక్లాండ్ లో లాక్ డౌన్ విధిస్తున్నామని చెప్పారు.
మూడు నెలల క్రితం న్యూజిలాండ్ ను కరోనా రహిత దేశంగా జసిండా ప్రకటించారు.
