ఓయూ, వెలుగు : ఓయూ లేడీస్ హాస్టల్లో జాతీయ మానవ హక్కుల కమిషన్ మెంబర్విజయ భారతి సాయన్ గురువారం తనిఖీలు చేశారు. స్టూడెంట్స్తో మాట్లాడి వారి సమస్యలను తెలుసుకున్నారు. హాస్టల్లో ఆహారం సరిగ్గా లేదని నిరసన తెలిపితే వార్డెన్ తో పాటు ఇతర అధికారులు వేధిస్తున్నారని ఫిర్యాదు చేశారు. దీంతో ఆమె హాస్టల్ డైరెక్టర్ ప్రొఫెసర్ కళ్యాణితో మాట్లాడారు.
విద్యార్థుల సమస్యలను వారంలో పరిష్కరిస్తామని ఆమె సమాధానం చెప్పారు. తర్వాత విజయ భారతి మాట్లాడుతూ లేడీస్ హాస్టల్ లో సమస్యల పరిష్కారానికి వీసీ, రిజిస్ట్రార్కు లెటర్ రాస్తానని తెలిపారు. ఈ సందర్భంగా ఏబీవీపీ విద్యార్థి సంఘం నాయకులు గతంలో హాస్టల్లో చోటుచేసుకున్న సంఘటనలు, అధికారుల తీరుపై వినతి పత్రం ఇచ్చారు. విద్యార్థి నాయకులు అలివేలు, రాజు, గెల్లు శేఖర్, మోక్షిత్, వంశీ, విజయ్ సింగ్, వీరబాబు పాల్గొన్నారు.
